Qaynar xətt:

(+99450) 247 90 86

Tovuz döyüşlərində separatçılara 400 ton silah bağışlayan milyarderdən XƏBƏR VAR  

news/2026_01_16/whatsapp_image_2026_01_16_at_171150_1_1768575613.jpeg

CƏMİYYƏT

364

16.01.2026, 18:58

Xəbər verdiyimiz kimi, Rusiyanın “Taşir” şirkətlər qrupunun rəhbəri, erməni əsilli iş adamı Samvel Karapetyanın Ermənistanda  yenidən məhkəməsi olub.

Oxu24.com  xəbər verir ki, Ermənistan Korrupsiyaya Qarşı Mübarizə Apelyasiya Məhkəməsi Samvel Karapetyana ev dustaqlığı tətbiq edən Sarqis Petrosyanın qərarını ləğv edib.

Samvel Karapetyan yenidən Yerevan Mərkəzi Penitensiar Müəssisəsinə köçürüləcək. Bu barədə  erməni mediasına Korrupsiyaya Qarşı Mübarizə Apelyasiya Məhkəməsi məlumat verib.

Xatırladaq ki, Rusiyanın sənaye və tikinti sektorunda məşhur olan “Taşir” Şirkətlər Qrupunun əsas fəaliyyəti kommersiya əmlakının inşası və idarə olunmasıdır. Qrup öz fəaliyyətini digər sahələrdə – maliyyə, enerji, istehsal, otel və restoran biznesində də həyata keçirir. Rusiyanın 13 şəhərində ticarət mərkəzivar.Ermənistanda isə 16-sı fəaliyyət göstərir.

“Taşir” Şirkətlər Qrupuna çox profilli 200-dən çox şirkət daxildir.

Məşhur “Forbes” nəşrinin siyahısına əsasən hazırda Samvel Karapetyanın 4 milyard dollar sərvəti var. 

Azərbaycan isə onu ”Qarabağa qanunsuz yollarla silah, döyüş sursatı, partlayıcı maddələr, hərbi texnika, əsgəri ləvazimatlar daşıdığına görə tanıyır. Hətta Tovuz döyüşlərində Rusiyanın Ermənistana 400 tondan çox silah və hərbi texnika verməsində Rusiyada yaşayan bu 3 milyarderin : Samvel Karapetyanın , Ara Abramyanın, Ruben Vardaryanın adı hallanırdı. S. Karapetyanın bütün bu işlərə görə ittiham olunaraq Azərbaycan Respublikası tərəfindən beynəlxalq axtarışa verildi. 

 Əntiqə Rəşid