Zahid Orucdan Ramiz Mehdiyev haqqında SƏRT SÖZLƏR: "Mehdiyevin aşkar edilmiş cinayətləri..."

Zahid Oruc  təxribatçıları İFŞA ETDİ 

Prezident Administrasiyasının sabiq rəhbəri,Azərbaycan Milli Elmlər Akademiyasının keçmiş prezidenti,akademik Ramiz Mehdiyev barəsində DTX-nin Baş İstintaq İdarəsi tərəfindən cinayət işi başlanılması və barəsində Səbail Rayon Məhkəməsi tərəfindən  4 aylıq ev dustaqlığı qətimkan tədbiri seçilməsi cəmiyyətdə böyük müzakirələrə səbəb olub.

Məlumata görə,Mehdiyev Azərbaycan Respublikasının Cinayət Məcəlləsinin aşağıdakı maddələri ilə ittiham olunur:

278-ci maddə – hakimiyyəti zorla ələ keçirmə və ya zorla saxlama;

274-cü maddə – dövlətə xəyanət;

193-cü maddə – cinayət yolu ilə əldə edilmiş əmlakı leqallaşdırma (yuyulma).

Qeyd olunan informasiya yayıldıqdan sonra Ramiz Mehdiyevin ətrafında müxtəlif  adlar hallanmağa başladı.Həmin müzakirələr fonunda xaricdə oturub,işləri saxta məlumat hazırlamaq olan,bir qrup dəstə də fəallaşmağa başladı.Başda Məhəmməd Mirzəli olmaqla digərləri  “feyk” məlumatlar  hazırlamaqla ictimaiyyəti çaşdırmağa çalışdılar.Onların hədəfinə tuş gələnlərdən biri də Milli Məclisin İnsan hüquqları komitəsinin sədri,Sosial Tədqiqatlar Mərkəzinin rəhbəri,Azərbaycan Prezidentinə və Dövlətinə daim  sadaqət sərgiləyən millət vəkili Zahid Oruc oldu.

Qeyd edək ki,mediada yayılan son məlumatlarda Zahid Orucun Ramiz Mehdiyevin əsas kadrlarından biri olduğu,ondan “dövlət adamı” obrazı düzəltməyə çalışdığı və “ata” adlandırdığı vurğulanırdı.

Bu və digər məsələlərlə bağlı  millət vəkili  Zahid Oruc  Oxu24.com  saytına açıqlama verib.Həmin açıqlamanı təqdim edirik:

“Xəyanət bütün hallarda bağışlanılmazdır.Onu törədənlər ən ağır cəzaya layiqdir.Mehdiyevin aşkar edilmiş cinayətləri özünü intihar və ya onun özünə qəsdidir.Çünki,bir adamın çevrəsində  10-20-30-50 adamın olması və Dövlət əleyhinə nəyisə etmək cəhdi yalnız ağılsızlıq kimi qiymətləndirilməlidir.Bu kimi hərəkətlərə  hətta Azərbaycan torpaqlarının işğal altında  olduğu dövrdə cəhd edilsə də onların  qarşısı qətiyyətlə alınmış və heç bir  ciddi nəticə doğurmamışdır. 

Şükr olsun,millətimiz və Ali Baş Komandanımızın rəhbərliyi altında Ramiz Mehdiyev sayaq  fikirləşənlər  hər zaman dəf edilib.Onların etmək istədikləri inqilablar  istər rəngli olsun,istər rəngsiz  sonu uğursuzluqla nəticələnib.Amma,Dövlət qorunub,saxlanıb daha da möhkəmlənib.İndi isə qələbə dövründə bu cür cəhdlərin heç bir   uğurlu nəticəsi olası mümkün görünmür.

İkincisi,keçmiş dövrə bağlı söylənilən hər hansı iki,üç cümlə üzərində insanları hansısa komandalara,dairələrə,qruplara,maraqlara bölüb,linc edəndə bu bir nəfərin hamıya qarşı müharibəsinə bənzəyir.

Həmçinin oxuyun

Gecə telefona baxanlara nevroloqdan XƏBƏRDARLIQ: Bu xəstəlik yaradırmış...

İş günlərinin yeri dəyişdirildi 

DİN əməliyyat keçirib: Həbs olunan var -VİDEO

Müdafiə Nazirliyində yüksək vəzifəli hərbçi həbs olundu

Üçüncüsü,hər zaman Azərbaycan Dövlətinə və Dövlətçiliyinə,Ulu Öndərə və İlham Əliyev cənablarının apardığı siyasi xəttə ləyaqətlə xidmət etmişəm. Tərəfimdən bunu sübut etməyə çalışmaq,Dövlətçilik naminə gördüyümüz böyük işləri zədələyər,kölgə salar.Şükürlər olsun ki,Prezidentimiz və xalqımız  kimin kim olduğunu yaxşı bilir.Belə şeyləri sübut,isbat etməyə ehtiyac yoxdur.

Baxın,bir daha söyləyirəm,Məhəmməd Mirzəli kimi ifunətli bir məxluqa məxsus “Made in Azərbaycan”ın fəaliyyətini 2021-ci ildə mənim təmsil etdiyim mərkəz araşdırmışdı.

Fotoda Məhəmməd Mirzəli

Bunu açıqca söyləmişik və bu media məkanında da var.Bunlar böyük bir qrup halındadır.Məhəmməd Mirzəli öz tərcümeyi- halını səhvsiz yazacaq bir durumda deyil. Ancaq,onun başçılıq etdiyi qrup hibrid mübarizə texnologiyasıdır.İndi də süni informasiya texnologiyaları ilə təchiz ediliblər.Onlar daim Dövlət əleyhinə kampaniyalar aparmaq,bölücülük salmaq və bu kimi təxribatlar yaratma,şərəfli və namuslu vətənpərvər insanları ləkələmək  yolunu seçiblər. 

Oktyabrın ortalarında mənə qarşı onlar tərəfdən informasiya hücumu oldu.Sizi inandırıram ki,bu “ata” söhbəti küfr və cəfəngiyyatdır.Nə kiməsə o sözü demişik, nə üzr məktubu olub...Bütün bunlar uydurmadır və məni ləkələyib,gözdən salmağa yönəlmiş uğursuz cəhdlərdir. Həmin cəfəngiyyatı bu gün də onlar ayrı-ayrı deputatların -Novruz Aslan,Elnarə Akimovanın  və başqalarının üzərindən yaymağa can atırlar. Mən də deyilənlərə  kəskin etirazımı bildirdim.Məncə, etirazım yerində oldu və eşidildi də...

Məlumdur ki,Məhəmməd Mirzəli və onun  ifunət yuvası,eləcə də digər onun  kimilər  xaricdən idarə olunan Azərbaycan Dövlətinin əleyhinə  yönəlmiş böyük bir şəbəkədirlər.Müxtəlif formada platformalar və ayrıca hesablar  yaradıblar.Xalça sistemi ilə hər bir ilmədə,hər kanalda yerləşiblər.İctimai fikrə nəyisə çıxarırlar, bilərəkdən cəmiyyəti çaşdırırlar.İyrənc vasitələrlə  insanlar  linç  olunur. 

Özləri də  bilməyərəkdən  bəzi  adamlar onların qurduğu   bu  tələyə düşürlər.Onlar  əllərindəki  vasitələrlə  utanmadan hər  gün  Dövlətə,Dövlət başçısına, onun ailəsinə çirkin çamurlar atırlar.Dövlətə və Dövlət başçısına sədaqət göstərmək hər zaman borcumuzdur.Bu,dəqiqdir.Bu,doğrudur.Bunu hər yaşda,hər dönəmdə etməlisən.Xüsusi ilə də Dövlət sistemində çalışmayanda...Ona görə də bizim üçün bu  məsələlərdə onlarla,yüzlərlə həm media, həm də  sadə vətəndaş rəyləri,mövqeləri çox önəmlidir. Onların qurduğu tələyə düşən  bir neçə  insanlar var.Xaricdən gedən o yazıları sonra  legitimləşdirirlər.

“Landramat” məsələsi də Norveçin bir məhəlli qəzetinə əvvəlcə sızdırıldı.Ordan qəzetlərə yansıtıldı,sonra “Herald Tribun”a atıldı.Ordan da artıq bizim ölkənin mediasına gətirildi.Bununla da “legitimlik” statusu qazandı.Bu,bir fəlakətdir.Bu,son dərəcə informasiya məkanının zərbə altında qalmasıdır.Onu iki fransız,bir alman idarə edir.Bu adamın yazmaq qabiliyyəti,qələmi yoxdur.Baxın,əsasən qısa videolar paylaşır... Media məkanımız bu fonda hibrid və çarpaz atəş altında daxili geniş diskusiyalar şəraitində olardısa,bu halda kənardan o cür texnologiyalar effekt doğurmazdı.Onlar özlərinə auditoriya yığa bilməzdi”,-deyə   Zahid Oruc bildirib.

Miri Məcidli