Sual: Mən hamiləyəm. Bir neçə gün bundan əvvəl ərimlə cinsi yaxınlıq vaxtı mənə dedi ki, ağzıma süd getdi. Belə olan halda, yəni, arvadının südünü içən kişi onun süd oğlu olur?

Cavab: Ər-arvadın arasında belə bir şeyin baş verməyi normal bir haldır. Buna əsasən aralarında süd qohumluğu yaranmır və bir-birlərinə haram olmurlar.

Süd qohumluğunun yaranmağı üçün bir qadının 0-2 yaşın arasındakı bir uşağı qidalandırmaq məqsədilə əmizdirməyi lazımdır. Bir hədisdə deyilir ki, süd qohumluğu təkcə 2 yaş ərzində əmizdirilən südlə yaranır.1 Odur ki, belə bir halla üzləşən ər-arvad süd qohumu olmurlar.

Bu məsələ ilə əlaqədar olaraq İmam Malikin Muvatta adlı əsərində belə bir məlumat var:

“Bir adam gəlib Əbu Musa əl-Əşaridən soruşdu:

“Mən arvadımın döşünü əmdim, qarnıma süd getdi. Bunun hökmü nədir?”

Əbu Musa cavab olaraq: “Bu səbəbdən o qadın sənə haramdır”, – dedi.

Abdulla ibn Məsud da orada idi və sözə qarışdı:

“Necə fitva verdiyinə fikir ver!”

Əbu Musa: “Bu barədə sənin fikrin nədir ki?”, – deyə, soruşdu.

Abdulla ibn Məsud belə dedi:

“Haramlıq yaradan əmizdirmək işi ancaq doğumdan sonrakı 2 il ərzində olur”.

Bu sözdən sonra Əbu Musa dedi ki, bu böyük alim (Abdulla ibn Məsud) aramızda olduğu vaxt məndən bir şey soruşmayın.

Oxu24.com