Hələ qədim zamanlardan Şərq təbibləri, loğmanlar cavanlığın ömrünü uzatmaq üçün bir çox üsullsrdan istifadə ediblər. Elə müasir dövrdə də uzunömrlülük üçün xalq təbabətində müxtəlif cövhərlər, həlimlər, içkilərdən güniş istifadə olunur.

Oxu24.com modern.az-a istinadən xəbər verir ki, tanınmış həkim fitoterapevt Sadıq Salami “cavanlıq içkisi” hazırlayıb. Sadıq Salami içkini belə təqdim edir:
“Sizə çox maraqlı və faydalı bir içki resepti təqdim edirəm. Bu bir sağlamlıq və cavanlıq içkisidir. Hazırlanması çox sadədir. Buğda səməni kimi cücərdilir. Yaşıl hissəsi kəsilir, yuyulur və ət maşınından keçirilir. Şirəsi sıxılır və 1 stəkan şirəyə 2 stəkan su, 1 portağal şirəsi, 1 alma şirəsi qatılır. Bu içki vitamin mənbəyidir. Tərkibində B17 vitamini var. Buna görə də xərçəng xəstəliyinin müalicəsi və profilaktikası üçün istifadə etmək olar. Tərkibindəki xlorofil orqanizmi təmizləyir və qidalandırır. Qanda şəkəri azaldır. Qandan və hüceyrələrdən toksinləri təmizləyir. Qanın oksigen daşıma tutumunu artırır. Qırmızı qan hüceyrələrini artırır. Maddələr mübadiləsini tənzimləyir. İmmuniteti qaldırır. Bədənə enerji verir".