Metastaz  necə baş verir?   —  Onkoloq xərçəng bəlasından DANIŞDI

Xərçəng xəstəliyi zamanı  həkimlərin də, xəstələrin də ən çox ehtiyat etdiyi məqam  şişin sürətlə metastaz verməsi, yəni digər  orqan və toxumalara sıçrayıb, orada  kök atması, böyüməsidir. Onkoloji xəstəliklərdə metastazı n başlanmasının əlamətlərini necə təyin etmək olar,  və ya metastazın  qarşısı necə alına bilər ? 

Oxu24.com-un  mövzu ilə bağlı  sualını  onkoloq-mammoloq  Nurlana Əliyeva cavablandırıb.

"Təəssüflə qeyd edim ki, ürək-damar xəstəliklərindən sonra xərçəng bütün dünyada ikinci ölüm səbəbi sayılır. Ən təəssüfləndirici hal isə odur ki, bu xəstəlik getdikdə   böyük sürətlə yayılır. Xərçəngin ən qorxulu dönəmi isə metastazın baş verməsidir. Metastaz hansı halda baş verir? Təbii ki, orqanizmin müəyyən yerində törəmə şişlər olur. Həmin şişlər özünün  pik mərhələsinə qədər  inkişaf edir və  ondan hüceyrələr ayrılır. Həmin hüceyrələr limfa ilə bədəndaxilində digər uzaq və yaxın hissələrə daşınıb, orda kök salır, qarşısı alınmayacaq dərəcədə bölünüb, yeni şişlər əmələ gətirir. Məhz bu proses xərçəngin metastazı adlanır.

Həmçinin oxuyun

WhatsApp-dan istifadə edənlərə XƏBƏRDARLIQ: Sizin mesajlarınızı...

Eldar Əzizov ƏMR İMZALADI

TƏCİLİ! Səhiyyə Nazirliyi başsağlığı yaydı

6 mayda bizi nələr gözləyir?  — ULDUZ FALI

Xərçəng diaqnozu qoyulmuş pasiyentdə zamanında və düzgün planlama ilə aparılan müalicələr bitdikdən sonra pasiyentlər 3-5 il ərzində təqib edilir. Və bu təqiblər, vaxtlı- vaxtında verilmiş analizlər nəticəsində metastaz halını anlamaq  mümkün olur.

Metastatik prosesin yerləşdiyi orqandan asılı olaraq immunoterapiya, kimya- target terapiya və ya təkrari cərrahi əməliyyat icra edilə bilər. Sümük metastazları aşkar edilmişdirsə ağrıları azaltmaq və travmatik sınıqları önləmək üçün şüa terapiya aparıla bilər. Metastaz  xərçənglə mübarizəni  və   müalicə variantlaını  çətinləşdirir. Üstəlik  orqanizmi tamamilə zəifləmiş xəstələrdə  xərçəngin müxtəlif bölgələrə yayılması səbəbindən müalicə variantlarını məhdudlaşdıra bilər. Çox az hallarda metastaz edilmiş şişlər cərrahi yolla çıxarıla bilər”- deyə onkoloq vurğulayıb.

 Əntiqə Rəşid