Damarlarımızı nə tutur? - Cavabı AÇIQLANDI

TİBB

595

05.02.2026, 22:31

Damar tutulması necə başlayır və risk necə müəyyən edilir?

Damar tutulması damar divarında yaranan iltihabi prosesdən başlayır. Bu iltihab damarların daxili səthini zədələyir və zamanla damarların daralmasına, hətta tam tutulmasına səbəb ola bilər. Bəs damar divarındakı iltihab nədən yaranır?

Oxu24.com xəbər verir ki,mütəxəssislərin fikrincə, damar iltihabına əsasən üç əsas faktor səbəb olur:

Siqaret çəkmək – siqaretin tərkibində olan zərərli maddələr damar divarını birbaşa zədələyir;

Yüksək arterial qan təzyiqi – damar divarına davamlı təzyiq göstərərək onun elastikliyini azaldır;

Şəkərli diabet və şəkərə meyillilik – qanda şəkərin yüksək olması damarların daxili qatında mikrozədələnmələr yaradır.

Bu amillərin təsiri nəticəsində damar divarı daha tez zədələnir və iltihab prosesi sürətlənir.

Bəs damarlardakı iltihabı hansı analizlə müəyyən etmək mümkündür?

Bu məqsədlə ən etibarlı göstəricilərdən biri yüksək həssaslıqlı C-reaktiv zülal (High Sensitivity CRP – hs-CRP) analizidir. Bu analiz olduqca həssasdır və adi CRP testinin aşkar etmədiyi iltihabı belə illər öncədən müəyyən edə bilir.

Nəticələr necə qiymətləndirilir?

Əgər hs-CRP göstəricisi yüksəkdirsə, bu, damar divarında iltihab prosesinin çoxdan başladığını göstərir. Eyni zamanda, infarkt və insult riskinin yüksəlməsi barədə ciddi xəbərdarlıq siqnalı hesab olunur.

Mütəxəssislər tövsiyə edir ki, risk qrupunda olan şəxslər bu analizi vaxtında etdirsin və nəticələrə uyğun olaraq həyat tərzi və müalicə tədbirlərinə ciddi yanaşsınlar.

Hazırladı: Turan

Həmçinin oxuyun