Təhlükəli virus geri qayıtdı: 2 milyon quş ölə bilər

TİBB

764

27.10.2025, 10:36

Almaniyada quş qripi hallarının artması səbəbindən indiyə qədər 400.000 quşun məhv edildiyi bildirilib.

Oxu24.com xəbər verir ki, Fridrix Loeffler İnstitutu yaydığı məlumatda bildirib ki,indiki təhlükə 2021-ci illə müqayisə oluna bilər.Həmin ildə quş qripinin ən çox yayılması qeydə alınmışdı.

İndiyə qədər ən böyük itkilər Meklenburq-Qərbi Pomeraniya və Brandenburqda qeydə alınıb.

Brandenburqdakı Markiş-Oderland bölgəsi quş qripi səbəbindən əlavə 130.000 quşun məhv ediləcəyini açıqlayıb.

Eyni bölgədə bundan öncə 150.000 quş məhv edilib.

Xüsusilə Brandenburqun şimal-qərbindəki Linumer Teyxland bölgəsində kütləvi durna ölümləri qeydə alınıb.

Quş qripi səbəbindən Almaniyada 2020-2021-ci illərin qışında 2 milyondan çox quş məhv edilmişdi.

Epidemiyanın belə davam edəcəyi hal da bu ildə həmin rəqəmin təkrarlanacağı ehtimal olunur.

Qeyd edək ki,quş qripi (ing.avian influenza) müxtəlif növ quşların və heyvanların kəskin gedişli kontagioz xəstəliyidir. Xəstəlik respirator orqanların, mədə-bağırsaq traktının zədələnməsi, eləcə də quşlar arasında yüksək tələfat və iqtisadi zərər ilə nəticələnir. Xəstəliyin törədicisi Orthomyxoviridae ailəsinə, influenza cinsinə aid olan RNT tərkibli mutagen virusdur. Ümumiyyətlə, quş qripi virusu (A tipi) müxtəlif kombinasiyalarda birləşən 16H və 9N tipləri kimi təsnif olunur. İndiyə qədər 16 HA və 9 NA serotiplərinə çöl quşları arasında rast gəlinib. Qeyd edilən serotiplər yüksək və aşağı patogenli olmaqla 2 qrupa bölünür ki, onlardan yüksək patogenli quş qripi (A(H5N1), HPAI- ing. highly pathogenic avian influenza) həm quşlar, həm də insanlar üçün təhlükəli infeksiya növü hesab olunur. Quş qripi xəstəliyi heyvanlara və insanlara əsasən aerogen və ya alimentar yolla yoluxur.

Miri Məcidli

Həmçinin oxuyun