Qaraciyərinizi belə qoruyun: İbn Sina sirri

Təbiətin təqdim etdiyi şəfa mənbələri bir çox xəstəliyə qarşı təsirli olur. “Tibbin atası” kimi tanınan İbn Sinanın tez-tez tövsiyə etdiyi bu möcüzəvi bitki həm qaraciyəri təmizləyir, həm də sümük sağlamlığını bərpa edir.

Oxu24.com xəbər verir ki, insan orqanizmi üçün əvəzolunmaz təsirə malik olan bu bitki təbii şəraitdə, yol kənarlarında belə öz-özünə bitir.

İbn Sinanın şəfa sirri - Mavi Hindiba (Cichorium intybus)

Göy çiçəkləri ilə tarlaların kənarlarını bəzəyən mavi hindiba (mavi cərahət otu) kökündən yarpaqlarına qədər sağlamlıqla doludur. Tərkibindəki inulin, flavonoidlər və fenolik maddələr orqanizmi toksinlərdən təmizləyir, immun sistemini gücləndirir.

Həzm sisteminin təbii qoruyucusu

Mavi hindibanın kökləri inulin adlı təbii prebiyotiklə zəngindir. Bu maddə bağırsaq florasını tənzimləyir, zərərli bakteriyaların çoxalmasının qarşısını alır və həzm prosesini asanlaşdırır. Qəbizliyi azaldır, eyni zamanda immunitetin möhkəmlənməsinə kömək edir.

Qaraciyəri təmizləyir, öd istehsalını dəstəkləyir

Ənənəvi təbabətdə “qaraciyərin dostu” kimi tanınan mavi hindiba, tərkibindəki saponinlər və fenolik birləşmələr sayəsində öd istehsalını artırır.Bu, qaraciyərin toksinləri bədəndən atmasına və təbii detoks prosesinin güclənməsinə kömək edir.

Antioksidant və iltihabəleyhinə təsir

Həmçinin oxuyun

Vəsiyyəti ilə Fəxri Xiyabanda yox,həyat yoldaşının yanında dəfn olunan ALİM  - HƏYAT HEKAYƏSİ

Rafael Ağayevlə bağlı xoşagəlməz xəbər yayıldı 

SON DƏQİQƏ! Milli Məclis bu qərarda dəyişiklik edir:Tarix dəyişir...

Oqtay Əsədovun qızının ölüm səbəbi məlum oldu 

Mavi hindiba flavonoidlər və polifenollar baxımından çox zəngindir. Bu maddələr sərbəst radikallarla mübarizə aparır, hüceyrələrin qocalmasını ləngidir və xroniki iltihabı azaldır. Daimi istifadəsi oynaq ağrıları, qaraciyər yorğunluğu və dəri qocalması kimi problemlərin qarşısını almağa yardım edir.

Sümükləri möhkəmləndirir, ərimənin (osteoporozun) qarşısını alır

İnulin təkcə bağırsaqlar üçün deyil, sümüklər üçün də mühüm təsirə malikdir. O, kalsiumun mənimsənilməsini artırır, bununla da sümük sıxlığını qoruyur və xüsusilə yaşlılarda rast gəlinən sümük əriməsinə qarşı təbii qoruma təmin edir. Müntəzəm qəbul edildikdə sümükləri möhkəmləndirir və uzunmüddətli sağlamlığa töhfə verir.

Dərini yeniləyir, zehni fəaliyyəti gücləndirir

Antioksidant təsiri sayəsində dəri hüceyrələrindəki zədələnməni azaldır, dəri baryerini bərpa edir, sızanaq və iltihabın yaranmasının qarşısını alır. Tərkibindəki seskviterpen laktonlar sinir sistemi üçün də faydalıdır - yaddaşı gücləndirir, diqqəti artırır və yorğunluğu azaldır.

Nəticə

İbn Sinanın əsrlər əvvəl şəfa mənbəyi kimi tanıtdığı mavi hindiba, bu gün də həm qaraciyər sağlamlığı, həm də sümüklərin möhkəmlənməsi üçün təbiətin təqdim etdiyi ən qiymətli hədiyyələrdən biri hesab olunur 

Mənbə: Sherg.az