Rəqsanə ilə bağlı ŞOK İDDİA – 1 aya qədər…

Rəqsanənin aparıcını təhqir etməsi onun hazırda ev dustağı olması məsələsini yenidən gündəmə gətirib.

Müğənni Rəqsanə İsmayılova Azərbaycan Respublikası Cinayət Məcəlləsinin 178.4-cü maddəsi ilə təqsirləndirilən şəxs qismində cəlb edilib, barəsində ev dustaqlığı qətimkan tədbiri seçilib.

Rəqsanə İsmayılovanın ev dustaqlığında ola-ola video-görüntüdəki formada ifadələr işlətməsi qətimkan tədbirinə təsir edə bilərmi?

 Oxu24.com bununla bağlı vəkil Asim Abbasov Musavat.com-a açıqlama verib.

Onun sözlərinə görə, əgər Rəqsanə İsmayılovanın ifadələrində təhqir və böhtan cinayətinin əlamətləri mövcuddursa, bu zaman Səidə Bəkirqızı tərəfindən xüsusi ittiham qaydasında şikayətlə məhkəməyə müraciət edilməlidir:

“Məhkəmə tərəfindən təhqir və böhtan cinayəti təsdiq edilərsə və Bakı Apellyasiya Məhkəməsi tərəfindən hökm qüvvəsində saxlanılarsa, Rəqsanə İsmayılova barəsində azadlıqdan məhrumetmə cəzası seçilə bilər (imperativ deyil, başqa cəza da seçilməsi mümkündür). Həmçinin xüsusi ittiham qaydasında şikayət icraata götürülsə, ittiham tərəfinin vəsatəti əsasında Rəqsanə İsmayılovanın barəsində həbs qətimkan tədbiri seçilə bilər.

AR CM-nin 147.1, 148-ci maddəsi böyük ictimai təhlükə törətməyən cinayət hesab olunduğundan əksər hallarda məhkəmə tərəfindən həbs qətimkan tədbiri seçilmir. Lakin Rəqsanə İsmayılova tərəfindən səsləndirilən ifadələrin hazırda barəsində ev dustaqlığı qətimkan tədbirinin həbs qətimkan tədbiri ilə əvəz edilməsi hissəsində qanunvericiliyin konkret tələbləri mövcuddur. Azərbaycan Respublikası Cinayət-Prosessual Məcəlləsinin 163-cü maddəsinə əsasən, barəsində ev dustaqlığı qətimkan tədbiri seçilmiş şəxsin üzərinə yaşayış yerini tamamilə və ya günün müəyyən vaxtlarında tərk etməmək; elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək; məhkəmənin müəyyən etdiyi ərazi hüdudlarını tərk etməmək; məhkəmənin müvafiq qərarı olmadan yaşayış yerini dəyişməmək-vəzifəsi mütləq qoyulur.

Həmçinin oxuyun

Deputat Pərvanə Vəliyeva bu VƏZİFƏYƏ SEÇİLDİ

Nazir müavini vəzifəsindən azad edildi 

Milli Hidrometeorologiya Xidməti xəbərdarlıq edir:  Yanvarın 28-i axşamdan 29-u gündüzədək...

Azər Nəsirov vəzifəsindən azad edilib 

Həmçinin müəyyən şəxslərlə ünsiyyətdə olmamaq; təqsirləndirilən şəxsin lazımi davranışını və cəmiyyətdən qismən təcrid olunmasını təmin edən digər vəzifələr məhkəmə tərəfindən təqsirləndirilən şəxsin üzərinə qoyula bilər. Bu hallar isə məhkəmə tərəfindən konkret şəkildə müəyyən olunaraq ev dustaqlığı qətimkan tədbirinin seçilməsi barədə qərarda əks olunmalıdır.

Yəni Rəqsanə İsmayılova tərəfindən səsləndirilən ifadələr barəsində həbs qətimkan tədbirinin seçilməsinə əsas vermir.

Bununla belə, Azərbaycan Respublikası İnzibati Xətalar Məcəlləsinin 388-1.1-ci maddəsinə əsasən, 388-1.1. İnternet informasiya ehtiyatının və onun domen adının sahibi və ya informasiya-telekommunikasiya şəbəkəsinin istifadəçisi tərəfindən internet informasiya ehtiyatında yayılması qadağan edilən informasiyanın yerləşdirilməsi, habelə belə informasiyanın yerləşdirilməsinin qarşısının alınması ilə bağlı qanunvericiliyin tələblərinin pozulmasına, yəni:

388-1.1.1. informasiya ehtiyatında və ya informasiya-telekommunikasiya şəbəkəsində “İnformasiya, informasiyalaşdırma və informasiyanın mühafizəsi haqqında” Azərbaycan Respublikasının Qanunu ilə yayılması qadağan edilən informasiyanın yerləşdirilməsinə yol verilməsinə – fiziki şəxslər beş yüz manatdan min manatadək cərimə, yaxud işin hallarına görə, xətanı törədənin şəxsiyyəti nəzərə alınmaqla, bir ayadək müddətə inzibati həbs tətbiq edilir. İnzibati Xətalar Məcəlləsinin 388-1.1.1-ci maddəsinin tələbləri və Rəqsanə İsmayılovanın barəsində xüsusilə ağır cinayət hesab olunan iş üzrə araşdırmanın aparılması, yəni şəxsiyyəti nəzərə alınmaqla barəsində məhkəmə tərəfindən 1 ayadək müddətdə inzibati həbs seçilə bilər”.

AR CM-nin 147.1, 148-ci maddəsi böyük ictimai təhlükə törətməyən cinayət hesab olunduğundan əksər hallarda məhkəmə tərəfindən həbs qətimkan tədbiri seçilmir. Lakin Rəqsanə İsmayılova tərəfindən səsləndirilən ifadələrin hazırda barəsində ev dustaqlığı qətimkan tədbirinin həbs qətimkan tədbiri ilə əvəz edilməsi hissəsində qanunvericiliyin konkret tələbləri mövcuddur. Azərbaycan Respublikası Cinayət-Prosessual Məcəlləsinin 163-cü maddəsinə əsasən, barəsində ev dustaqlığı qətimkan tədbiri seçilmiş şəxsin üzərinə yaşayış yerini tamamilə və ya günün müəyyən vaxtlarında tərk etməmək; elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək; məhkəmənin müəyyən etdiyi ərazi hüdudlarını tərk etməmək; məhkəmənin müvafiq qərarı olmadan yaşayış yerini dəyişməmək-vəzifəsi mütləq qoyulur.