Fələstinin HƏMAS hərəkatı ilə 48 saatlıq müharibə zamanı 300 min ehtiyatda olan əsgər İsrail Müdafiə Qüvvələrinə səfərbər edilib.

Oxu24.com xəbər verir ki, bunu İsrail ordusunun rəsmi nümayəndəsi Daniel Həcəri bildirib.

"Biz heç vaxt bu qədər tez ehtiyatda olan əsgərləri səfərbər etməmişdik - 48 saat ərzində 300.000 ehtiyatda olan əsgər yığdıq", - deyə  Hagary bildirib.

Onun sözlərinə görə, Qəzza zolağından olan fələstinli radikallar oktyabrın 7-dən İsrailə 4 mindən çox raket atıblar.

O, həmçinin vurğulayıb ki, İsrail hərbçiləri ölkənin cənubunda yaraqlıların nüfuz etdiyi bütün yaşayış məntəqələrinə nəzarəti bərpa edib. O, ayrı-ayrı silahlıların hələ də ölkədə ola biləcəyini etiraf edib.

Oktyabrın 7-də HƏMAS İsrailə bir neçə min raket atdı və Əl-Əqsa Daşqını əməliyyatının başladığını elan etdi. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir qılınclar” adlanırdı.

Müəllif: Miri Məcidli