HƏMAS-ın dünənki hücumu başladığı gündən bəri həlak olan İsrail əsgərlərinin sayı 57-yə yüksəlib.

Oxu24.com xəbər verir  ki,bu barədə İDF-nin saytında bildirilir.

Xatırladaq ki, oktyabrın 7-də Qəzza zolağı İsrail ərazisini atəşə tutub, bundan sonra fələstinli radikallar ölkəyə daxil olub.

HƏMAS Əl-Əqsa Tufanı əməliyyatının başladığını elan edib və İsrail ordusu buna cavab olaraq antiterror əməliyyatlarına başlayıb.

Hazırda ən azı 700 israillinin öldürüldüyü, 2200-dən çoxunun yaralandığı, Fələstin tərəfində isə 300-dən çox insanın öldüyü, iki minə yaxın insanın yaralandığı məlumdur. İsrail rəsmi olaraq ölkənin müharibə vəziyyətinə keçdiyini bəyan edib və həmçinin Vaşinqtondan kömək istəyib.

Müəllif:Miri Məcidli