Daşkəsən-Xoşbulaq avtomobil yolunda yol-nəqliyyat hadisəsi olub.

"Report"un Qərb mərkəzinin məlumatına görə, hadisə Xoşbulaq kəndində qeydə alınıb.

"VAZ-21015" markalı avtomobil Daşkəsən rayon sakini, 1991-ci il təvəllüdlü Zabil Əsgərovun idarə etdiyi "Ford" markalı kiçik tutumlu yük maşını ilə toqquşub.

Qəza nəticəsində minik avtomobilinin sürücüsü boğaz və digər bədən nahiyələrindən ağır xəsarətlər alıb. Yaralı xəstəxanaya yerləşdirilib.

Fakt üzrə araşdırma aparılır.