Fövqəladə Hallar Nazirliyinin mətbuat xidmətindən  Oxu24.com-a  verilən məlumata görə, Bərdədə Kür çayında yalnız biri batıb. Hazırda onun axtarışları davam etdirilir. 

 

APA-nın Qarabağ bürosunun verdiyi xəbərə görə, Kür çayında burulğana düşən 4 nəfərdən 1-i boğulub, 3-ü xilas edilib.  

 

Bərdənin Nazırlı  kənd icra nümayəndəsi Pərviz Əlizadə  APA-ya açıqlamasında bildirib ki, Kür çayında çimərkən burulğana düşənlərin hamısının 18 yaşı var.

 

Onlar - Mirağazadə Röyal Rafiq oğlu, Əliyev Məhəmməd Elşad oğlu, Süleymanov Şəmistan Xasay oğlu və  Göyüşov Ozan Yusif oğludur.

 

Onlardan 3-ü sudan çıxa bilib. R. Mirağazadəni isə xilas etmək mümkün olmayıb.

 

Hazırda R. Mirağazadənin axtarışları davam etdirilir.