AĞ Partiyanın sədr müavini Cavid Hacıbəyli Ağcabədidə saxlanılıb.

 
Demokrat.az-ın xəbərinə görə, bu barədə partiya sədri Tural Abbaslı məlumat verib.

 
“Cavid Hacibeyli Ağcabədi şəhərində Kapital bankın önündəki insan izdihamını çəkərkən polis tərəfindən əsassız olaraq saxlanılıb və Ağcabədi polis idarəsinə aparılıb. Ona çəkiliş aparmasının qanunsuz olduğu bildirilib və hazırda barəsində protokol tərtib edilir. Mən anlamıram, hansısa vətəndaş yerli məmurların və səlahiyyətli orqanların səhlənkarlıqları səbəbindən insanların qələbəlik şəkildə toplaşmasını və bununla da karantin şərtlərinin pozulduğunu qeydə alırsa, o polis təeəfindən həbsmi olunmalıdır? Daxili İşlər Nazirliyinə müraciət edərək Ağcabədi şəhərində baş verən bu qanunsuzluğu araşdırmağa və dərhal buna son qoymağa çağırıram. Onsuz da Koronavirus pandemiyası və ağır karantintin şərtləri cəmiyyətdə sosial gərginliyi kifayət qədər yüksəldib. Belə bir həssas dönəmdə Ağcabədi polisinin belə məsuliyyətsiz addımları qətiyyən anlaşılan deyilən. Heç kim unutmamalıdır ki, hüquqi yolla informasiya əldə etmək və bu informasiyanı yaymaq hər kəsin konstitusion hüququdur” – T.Abbaslı qeyd edib.