Ölkəmizdə koronovirusun yayılmasının qarşısının alınması istiqamətində silsilə tədbirlər davam etdirilir. Bu tədbirlər sırasında informasiyanın cəmiyyətə çatdırılması mühüm rol oynayır.

Oxu24.com xəbər verir ki, koronovirusla bağlı yeni maarifləndirici proqram efirə başlayıb.Space Tv rəhbərliyi  mövcud  durumu nəzərə  alaraq  koronovirusla bağlı  yeni  layihəsini  təqdim  edib.

Space TV-də Amil Xəlilin aparıcılığı ilə yayımlanan "Qaynar xətt" proqramı gündə iki dəfə canlı yayımlanır. Verilişi hər gün  bazar günü  istisna  olmaqla  saat 11:00 və 15:00-da Space TV-də canlı yayımlanır.

Sosial layihə ilə bağlı Oxu24.com-a açıqlama verən aparıcı Amil Xəlil bildirib ki, məqsədləri insanları daha çox maarifləndirmək  və düzgün informasiyanı cəmiyyətə çatdırmaqdır.

"Bildiyiniz kimi Dövlətimiz mühüm addımlar atıb. Bizim üzərimizə düşən vəzifə insanlara düzgün informasiyanı mütəxəssislərin dilindən çatdırmaqdır. Bu səbəbdən də layihəni təqdim etdik."

Amil Xəlil həmçinin bildirib ki, müəllifi və  aparıcısı olduğu "Gəl dərdini danış" layihəsi də paralel şəkildə davam edəcək.