Xəbər verdiyimiz kimi 94 saylı Ucar seçki dairəsindən növbədənkənar parlament seçkilərinə namizəd olan Elton Məmmədovun namizədliyi ləğv olunub.

Oxu24.com   xəbər verir ki,MSK-nın yaydığı rəsmi  məlumata  görə, Elton Məmmədov tərəfindən təqdim olunan sənədlərdə saxtalaşdırmalar var. Xüsusilə də əmlak haqqında məlumatlar düzgün deyil, saxtalaşdırılaraq təqdim olunub. Eyni zamanda təqdim etdiyi imzalar arasında da etibarsız imzalar olub.

Citypost.az-ın əldə etdiyi məlumata görə,Yasamal rayonu,Moskva prospekti məhəllə  3168-də yerləşən "Main"yaşayış kompleksi Elton Məmmədov və onun ailəsinə məxsusdur.

Həmin yaşayış kompleksini  Elton Məmmədov və onun ailə üzvləri idarə edir. Bina sakinlərinin saytımıza verdiyi məlumata görə,binada qarajlar istifadəyə verilmədiyi üçün binada yaşayanlar əziyyət çəkirlər.  Bu isə  həyətdə  avtomobillərin  sıxlığına  səbəb  olur.  Bundan  əlavə  binaların  zirzəmilərində "moyka"lar işlədilir. Nəticədə  binanın  uçma  təhlükəsi  yaranıb. Bu isə bina sakinlərinin  ciddi narazılığna səbəb olub.

Sözügedən binanın üst qatında qeyri-qanuni olaraq Elton Məmmədovun icazəsi  ilə  hostel tikmək istəyirlərmiş.Televiziya kanallarının reportajından sonra hostelin tikintisi dayandırıldı.

Afət