Məşhur komik aktyor faciəli şəkildə öldü - FOTO

“Asia Mix” KVN komandasının keçmiş üzvü Marat Cumanəliyev 44 yaşında bədbəxt hadisə nəticəsində dünyasını dəyişib.

 

Oxu24.com  xəbər  verir  ki, bu barədə TASS komediya aktyorunun dostu Abdurəhman Murtazəliyevə istinadən məlumat yayıb.

 

Cumanəliyev Qırğızıstanın Bişkek şəhərində vəfat edib.

 

Yerli media iddia edir ki, ölüm səbəbi şoumenin yıxıldıqdan sonra aldığı kəllə-beyin travması ola bilər.

 

Mərhumun dostu Murtazəliyev qeyd edib ki, komediya aktyoru “layiqli qardaş və yaxşı insandır”.

Marat Cumanəliyev 2016-cı ildə “Asia Mix” komandası ilə KVN yüksək liqasının çempionu olub, daha sonra bloqçuluq və xeyriyyəçiliklə məşğul olub.

 

Komanda üzvləri Cumanəliyevi komandanın talismanı adlandırırdılar və o, həm də Maratik kimi tanınırdı.

Eyni zamanda, komediyaçı özü heç vaxt özünü ulduz hesab etmirdi.

 

Cumanəliyev 2016-cı ildən 2018-ci ilə qədər yayımlanan "Ada" rus serialında da rol alıb.

 

Sputnik-in məlumatına görə, boks üzrə çempion olan Cumanəliyev bir müddət reper Timatinin cangüdəni işləyib.

 

Nigar