Bu fikirləri Yenicag.az-a açıqlamasında prezidnet İlham Əliyevin AzTV-yə müshibəsində bəzi dövlət məmurlarını sərt tənqid etməsinə münasibət bildirən Müasir Müsavat Partiyasının (MMP) sədri Hafiz Hacıyev deyib.

Hafiz Hacıyev qeyd edib ki, hökumətdə vəzifə tutaraq, dövlət əleyhinə işlər görən yüksək məmurlar dərhal istefaya göndərilməli və onların barəsində hüquqi prosedurlar başladılmalıdır:

"Həmin məmurların əksəriyyəti həbs edilməlidir. Mərkəzi Bankın sədri, Dövlət Sərhəd Xidmətinin rəisi və prezidentin adlarını çəkdiyi o biri məmurlar böyük provakasiya ilə məşğuldurlar. Hələ ən yaxşıları bunlardır, axı digərləri də var…

Mən fikirləşirəm ki, yerdə qalan məmurların əksəriyyəti istefaya göndərilməli, əllərində olan pullar müsadirə edilməlidir. Ona görə ki, onlar əllərində olan kapitalla dövlət başçısının əleyhinə iş görürlər və dövlət çevrilişinə hazırlıq gedir. Hökumətin əksər üzvləri dövlətə Ramiz Mehdiyev tərəfindən sırınmış kadrlardır. Hamısı cəzalarını almalıdırlar”.