Qaynar xətt:

(+99450) 247 90 86

Deputatımız Avropa Şurasında ermənini yerində otuzdurdu: "Şuşi yox, Şuşa"

Deputatımız Avropa Şurasında ermənini yerində otuzdurdu: \\\"Şuşi yox, Şuşa\\\"

SİYASƏT

1864

28.01.2021, 09:49

Google
Xəbərlərimizi Google-da izləyin
Yeniliklərdən dərhal xəbərdar olun
Abunə ol

Azərbaycanın Avropa Şurası Parlament Assambleyasındakı (AŞPA) nümayəndə heyətinin üzvü, deputat Kamal Cəfərov AŞPA-nın qış sessiyası zamanı Ermənistan nümayəndə heyətinin üzvünə öz etirazını bildirib.

Oxu24.com-un  məlumatına görə, K.Cəfərov tarixi Azərbaycan şəhəri olan Şuşanın adı ilə bağlı iradını bildirib.

"Mən Edmon Marukyana öz etirazımı bildirirəm. Əvvəla, Şuşi yox, Şuşa. AŞPA prezidenti Rik Daemsin bu assambleyanın şəxsi maraqlar üçün bir alət kimi istifadə edilməməsi fikri ilə həmfikirəm.

Mən erməni həmkarlarımdan hər mövzunu siyasiləşdirmələrindən çəkinməyə çağırıram".

Kamal Cəfərov bildirib ki, erməni həmkarlar bunun yerinə etimadın qurulmasına dair tədbirlər görmək barədə fikirləşməlidir.

"Əgər bir ölkənin rəsmi olaraq seçilmiş nümayəndəsi inamın qurulması üçün tədbirlər haqqında fikirləşmirsə, biz regionda adi vətəndaşların sülhpərvər davranışlarını necə gözləyə bilərik? Artıq konflikt başa çatıb və önümüzə baxaraq etimadın yaradılması ilə bağlı tədbirlər görməyin vaxtıdır", - deyə o, çıxışında bildirib.