Erməni millət vəkili Türkiyəni Dağlıq Qarabağ prosesindən uzaq durmağa çağırır

2020/03/04/1583335043_142ca50f1b88ee95232ecfc65546a17d.jpg

SİYASƏT

1026

04.03.2020, 18:58

Ermənistan parlamentində təmsil olunan "mənim addımım" fraksiyasının üzvü Tatevik Hayrapetyanın sözlərinə görə, Türkiyə Dağlıq Qarabağ münaqişəsinin nizamlanması prosesinə zərər verməkdən savayı təsir göstərə bilməz. Ens.az xəbər verir ki, Hayrapetyan bunu Türkiyənin xarici işlər naziri Mevlut Çavuşoğlunun və ATƏT-in Minsk Qrupu həmsədrlərinin görüşünə istinad edərək parlamentin martın 3-də keçirilən iclasında bəyan edib.

“Bu görüş nə ATƏT-in Minsk Qrupu həmsədrlərinin nə ilk, nə də son görüşü deyil. Türkiyə, ATƏT üzvü olan dövlət kimi, hər zaman Dağlıq Qarabağ münaqişəsi ilə bağlı danışıqlar prosesində iştirak etməyə çalışsa da, bu cəhdlər uğurlu ola bilməz. Türkiyənin açıq şəkildə qərəzli, Azərbaycanın tərəfini tutan bir mövqeyi var, bu da onların bütün bəyanatlarında və hərəkətlərində özünü göstərir. Əgər Türkiyə nizamlama prosesinə real töhfə vermək istəyirsə, ən yaxşı töhfə Qarabağ probleminin və danışıqlar prosesinin həllinə yönəlmiş addımlardan uzaq qalmasıdır, çünki Türkiyənin ona zərər verməkdən başqa təsiri ola bilməz "deyə Hayrapetyan vurğulayıb.

Həmçinin oxuyun

SON DƏQİQƏ! Şəmsi Səmədzadə HƏBS EDİLDİ

Azərbaycanda kimlər saat hesablı maaş alacaq? — Gözlənilən dəyişikliyin DETALLARI

Başgicəllənmənin arxasınd abu gizli xəstəlik dayana bilir — Həkim AÇIQLADI

Nazirlikdə böyük islahatlar: Xeyli vəzifəli işini itirdi — Onlardan başqa

Qeyd edək ki, martın 2-də Türkiyənin xarici işlər naziri Mövlud Çavuşoğlu ATƏT-in Minsk Qrupunun həmsədrləri ilə görüşdə bəyan edib ki, ATƏT-in Minsk Qrupu Dağlıq Qarabağ münaqişəsinin həlli istiqamətində işlərin effektivliyini artırmalıdır.

Ermənistan Xarici İşlər Nazirliyinin sözçüsü Anna Nağdalyan, Türkiyənin xarici işlər naziri Mövlud Çavuşoğlunun Dağlıq Qarabağ münaqişəsinin sülh yolu ilə həllinə dair açıqlamasına cavab verib. "Dağlıq Qarabağ münaqişəsi kontekstində Azərbaycana birtərəfli qaydada hərbi-siyasi dəstəyi ilə yanaşı, Ermənistana və erməni xalqına qarşı xoşagəlməz siyasətlə Türkiyə Dağlıq Qarabağ münaqişəsinin sülh yolu ilə həlli prosesində heç bir rol oynaya bilməz", - Nağdalyan qeyd edib.