Prezident rəsmən AÇIQLADI: Sənədin imzalanması vacibdir

“Azərbaycanla Ermənistan arasında rəsmi sülh sazişi imzalanacaq, hər şey Ermənistan Konstitusiyasına dəyişiklik edilərək, orada artıq otuz ildir mövcud olan Azərbaycana qarşı ərazi iddiasının çıxarılmasından asılıdır”.

Oxu24.com  xəbər verir ki, bunu Prezident İlham Əliyev Münxendə “Açıq dəhliz siyasəti? Trans-Xəzər əməkdaşlığının dərinləşdirilməsi” mövzusunda panel müzakirələrdə deyib.

Dövlət başçısı qeyd edib ki, bu addım atıldıqdan dərhal sonra sülh sazişi rəsmi şəkildə imzalanacaq: “Bu müddət ərzində isə Beynəlxalq Sülh və Rifah Naminə Tramp marşrutu yeni bağlantı xətlərinin yaradılmasında mühüm rol oynayacaq. Artıq qeyd etdiyim kimi, Çin, Mərkəzi Asiya, Transxəzər, Azərbaycan, Ermənistan, Azərbaycanın eksklavı Naxçıvan, Türkiyə və oradan Avropaya uzanan nəqliyyat marşrutu tamamilə yeni bir vəziyyət yaradacaq.

Bu, bütün ölkələr üçün faydalı olacaq. Marşrut üzərində yerləşən bütün dövlətlər siyasi və iqtisadi baxımdan daha sıx inteqrasiya olunacaqlar. Bu isə Azərbaycanla Ermənistan arasında uzunmüddətli və davamlı sülhə əlavə töhfə verəcək. Çünki sülh yalnız real və ardıcıl sülh prosesi olduqda mümkündür. Sənədin imzalanması vacibdir.

Bu, əsasdır. Lakin bundan sonra atılan addımlar da heç də az əhəmiyyət daşımır. Azərbaycanla Ermənistan arasında son qanlı toqquşmadan Vaşinqton sammitinədək keçən müddət iki ildən az olub.

Həmçinin oxuyun

Əli Əsədov nə EDİB?  —  Onu hansı cəza gözləyir?

Əli Əsədov vəzifəsindən azad edilir - TƏCİLİ

Əli Əsədovla bağlı sensassiyalı SİYAHI: Onun nə qədər var-dövləti var?

Türkiyədə mühüm qərar : 121 ölkəni birləşdirən qərargah Azərbaycanda OLACAQ

Düşünürəm ki, bu, xüsusilə otuz il davam etmiş münaqişələr üçün nadir göstəricidir. Hər iki tərəf bu qarşıdurmaya son qoymaq və sülh səhifəsini açmaq üçün güclü siyasi iradə nümayiş etdirdi.

Biz cəmi altı aydır ki, sülh şəraitində yaşayırıq. İnanın, bu, çox xüsusi və çox xoş bir hissdir. Bu hissi Azərbaycan əhalisinin hamısı və əminəm ki, Ermənistan cəmiyyəti də bölüşür.

Bağlantı layihələri və nəqliyyat dəhlizləri bizi daha da yaxınlaşdıracaq, qarşılıqlı asılılığı artıracaq və Cənubi Qafqazda tamamilə yeni bir vəziyyət yaradacaq. Nəhayət, Azərbaycan, Gürcüstan və Ermənistan üçtərəfli əsasda qarşılıqlı əməkdaşlığa başlayacaqlar”.