70 yaşlı  Sevil Əliyeva: Ümummilli lider Heydər Əliyevin yadigarı,İlham Əliyevin bacısı... (FOTOLAR) 

 Azərbaycan Respublikasının Prezidenti İlham Əliyevin bacısı Sevil Əliyevanın ad günüdür.Prezident  İlham Əliyev  bu  gün  münasibəti ilə   Sevil Heydər qızı Əliyevanı “Şərəf” ordeni ilə təltif edib.

Oxu24.com-un   məlumatına görə, Sevil Əliyevanın 70 yaşı tamam olur.

Sevil Heydər qızı Əliyeva 1955-ci il oktyabrın 12-də Bakıda anadan olub.

1961-1971-ci illərdə orta məktəbdə, eyni zamanda musiqi məktəbində təhsil alıb.

1971-1977-ci illərdə Azərbaycan Dövlət Universitetinin Şərqşünaslıq fakültəsini ərəb dili şöbəsində təhsilini davam etdirib.

1977-1980-cı illərdə Moskvada SSRİ Elmlər Akademiyası Şərqşünaslıq İnstitutunun aspiranturasında oxuyub.

1981-ci ildə elmi tədqiqatını başa çatdırıb namizədlik dissertasiyası müdafiə edib. Tarix elmləri namizədidir.

1981-1986-cı illərdə SSRİ Elmlər Akademiyası Şərqşünaslıq İnstitutunun elmi əməkdaşı olub.

Sevil Əliyeva uzun illərdir övladları ilə birgə Londonda yaşayır. 1986-cı ildən musiqi sahəsində fəaliyyətini davam etdirən S.Əliyeva bir sıra mahnıların, o cümlədən anası, mərhum akademik Zərifə Əliyevaya həsr etdiyi “Ana” elegiyasının müəllifidir. O, həm də “Space” Televiziyasının qurucusudur.

S.Əliyeva “Sevil" Qadınlar Məclisinin sədri, "SOS" Uşaq Kəndləri - Azərbaycan Assosiasiyasının fəxri prezidentidir.

Azərbaycan və Türkiyə mediası zaman-zaman S.Əliyevanın Londondan Bakıya qayıdaraq siyasətə qoşulacağı, YAP-dan uzaqlaşdırılan sabiqlərdən ibarət müxalifət partiyası yaradaraq, ona rəhbərlik edəcəyi barədə məlumatlar yaysa da, bu, baş verməyib.

Sevil Əliyevanın özü də bir dəfə mətbuata açıqlamasında belə xəbərlərə nöqtə qoyub: “Mən siyasətlə məşğul olmağı düşünmürəm”.

Həmin açıqlamasında o hər hansı partiyaya rəhbərlik edəcəyi barədə məlumatları da təkzib edərək bildirib: "Burada, Londonda mənim ailəm var, mənim məşğuliyyətim var. Bunları dəyişmək fikrində deyiləm, xüsusilə də siyasətə. Mən valideynlərimin xatirəsini əziz tuturam. Azərbaycan prezidenti olan qardaşım, onun ölkə və Azərbaycan xalqının rifahı üçün atamın siyasətini davam etdirməsi ilə fəxr edirəm".

2011-ci ilin noyabrında Moskvada Sevil Əliyevanın yeni, hələlik sonuncu musiqi albomu təqdim olunub. O, öz bəstələrindən ibarət instrumental albomunu mərhum valideynlərinin - atası Heydər Əliyevin və anası Zərifə Əliyevanın xatirəsinə həsr edib. Albom “Ze qaleri of Sevil” adlanır. Klassik və caz musiqilərinin toplandığı albomun ərsəyə gəlməsində Rusiya simfonik orkestri, dünyanın məşhur ifaçılarından Yuri Başmet, görkəmli saksafon ifaçısı İqor Butman birliyi iştirak edib.

Albom Londonun “Əbbe Roud” studiyasında yazılıb.

Həmçinin oxuyun

Cibləri pul ilə dolacaq 4 bürc 

Bu evlər SÖKÜLƏCƏK, proses başladı    —   RƏSMİ AÇIQLAMA +VİDEO

Kommunal xidmətlərlə bağlı MÜHÜM MÜZAKİRƏ 

Rusiyaya bu ölkədən hücum başladı:ABŞ silahları ilə vurulur

Sevil Əliyevanın həyat yoldaşı   Mahmud Məmməd-Quliyevdir. Mahmud Məmməd-Quliyev Azərbaycan Respublikası xarici işlər nazirinin müavini, diplomat və deputat kimi çalışıb.

Mahmud Əhməd oğlu Məmmədquliyev 1949-cu il fevralın 15-də Gəncə şəhərində anadan olub. 1972-ci ildə Azərbaycan Dövlət Universitetinin hüquq fakültəsini bitirib. 1972–1974-cü illərdə Azərbaycan Dövlət Universitetinin müəllimi olub.1974–1993 — Müxtəlif dövlət orqanlarında xidmət edib. 1992–1993-cü illərdə Kommersiya Bankının idarə heyəti sədrinin müavini olub.

1993-cü ildən indiyə kimi — Azərbaycan Respublikasının Xarici İşlər Nazirinin müavini, 1995–2000-ci illərdə Azərbaycan Respublikası Milli Məclisin deputatı olub.

1996–2001-ci illərdə Azərbaycan Respublikasının Böyük Britaniya və Şimali İrlandiya Krallığında və eyni zamanda İrlandiya Respublikasında, İsveç və Norveç Krallıqlarındakı və Danimarka Krallığındakı Fövqəladə və Səlahiyyətli Səfiri olub.

2019-cu ilin iyul ayında Mahmud Məmmədquliyev 2-ci dərəcəli "Vətənə xidmətə görə" ordeni ilə təltif olunub

Ailənin  bir qızı, iki oğlu var.

Sevil Əliyevanın  Sevil Əliyevanın oğlu Azər Əliyev  Azərbaycanda yaşayır  və  işləyir.  Azər Əliyev Züleyxa Rüstəmova adlı xanımla evlənib. Onun "Pasha Holding"ə məxsus "Pashabank"da işlədiyi bildirilir. Dominos pizza

Qeyd edək ki, Züleyxa Rüstəmova AzTV-nin vaxtilə diktoru olmuş, Azərbaycan SSR-in xalq artisti Fatma Cabbarova və Sabir Rüstəmovun nəvəsidir.

Sevil Əliyevanın kiçik oğlu  olan  Azər Əliyev hazırda Azərbaycan Ağır Atletika Feferasiyasnın vitse-prezidentidir.

Böyük oğlu Giraf da idmana sevgisi ilə məşhurdur.

Əldə etdiyimiz məlumata görə, Giraf Əliyev hətta 2012-ci ildə Las-Veqasda keçirilən pauerliftinq üzrə dünya çempionatında Azərbaycanı yığma komandamızda təmsil edib.

Bu mötəbər yarışda Giraf 5-ci yeri tutub.

Xatırladaq ki, Sevil xanımın həm də Zərifə adlı bir qız övladı var.