Vətəndaş  Məcidov  Mircəlalın saytımıza  müraciət  edərək  "Kantakt Home" mağazasından  aldığı  məhsulda  qüsur  aşkarlandığı  üçün  geri  qaytarmaq istəməsi  və  qarşılaşdığı  problem  barədə  məlumat  vermişdik.

Ətraflı  bu  linkdə

Oxu24.com  xəbər  verir  ki, mağaza  məhsulu  qaytarmamaq üçün  müxtəlif  bəhanələr  gətirərək  vətəndaşı  süründürməçiliyə  salır. Saytımıza  məlumat  verən  şikayətçi  bildirib  ki,  aldığı "Hofman" markalı  telefon  həddindən  artıq  qızdığı  üçün  məhsuldan  narazı  qalıb.  Buna  baxmayaraq  mağaza  məhsulu   geri  qaytarmaqdan  imtina  edir. 

"Əvvəlcə  mənə  dedilər  ki, telefonun  qutusunu  zədələmişəm. Ona görə də 10-15  faiz  istifadə  haqqı  ödəməliyəm. Mən onlara  izah  etdim  ki, telefonun  qutusu  mənə  bu  vəziyyətdə  verilib. Daha sonra  mağazanın  əməkdaşları başqa  bəhanə  gətirdilər. Dedilər  ki, telefon  servisdən  qayıdandan  sonra  kənar  müdaxilə  olub,  biz onu  geri  qaytara  bilmərik. Onlar  bununla  məni  süründürməçiliyə  salmağa  və  məhsulun  qaytarılması  müddətini  ötürməyə  çalışır. Mən  qanunları  və  hüquqlarımı  yaxşı  bilirəm. Telefonu  aldığım  filiala ayın 29-da bir daha  yaxınlaşdım. Filial  müdiri  Nizami  müəllim  məni  görən  kimi  dedi  ki,  səni  məhkəməyə  vermişik. Artıq  mənə  məhkəmə  ilə  hədə-qorxu  gəlirlər. Mən  özümü   müdafiə  etmək  üçün  məhkəməyə   müraciət  edəcəm. Müstəqil  ekspertiza tələb  edirəm. Qoy, sübut olunsun ki,  kim haqlıdır,  kim haqsız. Bu  şirkətdə  konkret  söz  deyən  yoxdur. Hər əməkdaş  bir  söz  deyir. Mən əgər telefonun  qutusunu  zədələmişəmsə, mənə cərimə çekində  hansı səbəbdən cərimələndiyimi  əks  etdirən  sözlər  yazılmalıdır. Mağaza bunu  verməkdən  imtina  edir. Deyir ki,  biz  bununla  bağlı  sizə  o sənədi  verə  bilmərik. "

Oxu24.com  qarşı tərəfin  də  mövqeyini  təqdim  etməyə  hazırdır.