"Crocus City Hall" da terror törədənlərin YENİ VİDEOSU

İnternetdə Crocus City Hallda terror aktı törətməkdə şübhəli bilinən şəxslərin ünvanlarında aparılan istintaq hərəkətlərinin videoları yayılıb.

 

Oxu24.com  xəbər  verir  ki,  görüntü   Telegram kanalı 112 tərəfindən yayımlanıb.

 

Videodan  məlum   olur ki, müstəntiqlər Dmitrovskoye şossesində yerləşən yataqxanada və Putilkovoda saxlanılanlardan birinin evində işləyirlər.

 

Bundan əvvəl Rusiya İstintaq Komitəsi “Krokus”da terror aktını maliyyələşdirməkdə şübhəli bilinən şəxsin saxlanıldığını elan edib.

Martın 22-də axşam saatlarında Krasnoqorskdakı Crocus City Hall konsert zalında terror aktı baş verib. Müstəntiqlərin fikrincə, Piknik qrupunun çıxışından əvvəl avtomatlarla silahlanmış 4 nəfər ziyarətçilərə atəş açıb, daha sonra hücumu konsert məkanının daxilində davam etdirib.

Musiqili tədbirin keçirilməsi planlaşdırılan konsert zalının tamamilə yanması da daxil olmaqla, binada güclü yanğın da baş verib. İstintaq Komitəsinin məlumatına görə, cinayətkarlar bu məqsədlər üçün benzindən istifadə ediblər.

Martın 23-də səhər saatlarında Bryansk vilayətində terror aktında şübhəli bilinən 4 nəfər saxlanılıb. Martın 24-ü axşam saatlarında onlar tutularaq mayın 22-dək istintaq təcridxanasına göndərilib. Martın 25-i günorta saatlarında terror aktından sonra qaçmaq üçün istifadə edilən ağ rəngli “Renault” markalı avtomobilin satışı ilə bağlı iş üzrə daha üç müttəhim həbs edilib.

 

 

 

Nigar