Şəhid  Əsgər  Əhmədovun doğum günüdür

Bu gün Şəhid Əhmədov Əsgər Əhmədkişi oğlunun doğum günüdür.

Oxu24.com Şəhid haqda məlumatı təqdim edir:

Əhmədov Əsgər Əhmədkişi oğlu 1990-cı il noyabrın 9-da Quba rayonunun Bərqov kəndində anadan olub.

2009-cu ilin yanvar ayında Əsgər müddətli həqiqi hərbi xidmətə çağırılıb. Müdafiə Nazirliyinin “N” saylı hərbi hissəsində hərbi xidmət keçib. 2010-cu ilin iyul ayında hərbi xidmətdən tərxis olunub.

2012-ci ilin dekabr ayında Əsgər Daxili İşlər Nazirliyi Daxili Qoşunlarının sıralarında müddətdən artıq həqiqi hərbi xidmətə başlayıb.

2018-ci ilin dekabr ayından Xətai rayonundakı “N” saylı hərbi hissənin şəxsi heyətinin sıralarına qayıdıb. Hərbi hissənin xüsusi təyinatlı dəstəsində xüsusi həmlə qrupunun yarımqrupunda atıcı-qumbaraatan köməkçisi vəzifəsində idi.

Füzuli istiqamətində döyüşlərdə şəhid olub.

Şəhid Quba rayonunun Paşaoba kəndinin qəbiristanlığında dəfn olunub.

Şəhidimizin  Özcan və Ömər adlı iki oğul övladı var.

 

Hazırladı: Miri Məcidli