Kasıblar ən çox bu ölkələrdə yaşayır - ŞOK RƏQƏMLƏR

1987-ci il oktyabrın 17-də Fransanın paytaxtı Parisdə toplaşan böyük bir qrup yoxsulluğun “insan hüquqlarının pozulması” olduğunu iddia edərək, bütün dünyada rezonans doğuran yoxsulluğa qarşı mübarizəyə çağırıb.

Buna əsaslanaraq Birləşmiş Millətlər Təşkilatı (BMT) 1992-ci ildə 17 oktyabr tarixini “Ümumdünya Yoxsulluğun Aradan Qaldırılması Günü” kimi qeyd etmək qərarına gəlib və bütün ölkələri yoxsulluğun aradan qaldırılmasında fəal rol oynamağa çağırıb.

Oxu24.com dünyanın ən yoxsul ölkələri barədə araşdırma aparıb.

Araşdırmalara görə  Afrika qitəsi yoxsulluq baxımından yüksək yerdədir.

BVF-nin 2024-cü ilin Aprel Dünya İqtisadi Görünüşü hesabatında yer alan məlumatlara görə, ölkələrin adambaşına düşən ümumi daxili məhsulu (ÜDM) nəzərə alındıqda, dünyanın ən yoxsul 10 ölkəsindən 9-nun Afrika qitəsində yerləşdiyi məlum olur.

Şərqi Afrikada yerləşən Burundi adambaşına təxminən 230 dollar ÜDM ilə dünyanın ən kasıb ölkəsidir.

Eyni bölgədəki Cənubi Sudan və Malavi də adambaşına düşən ÜDM-i təxminən 421 və 480 dollar olmaqla dünyanın ikinci və üçüncü ən yoxsul ölkələridir.

Bu ölkələri təqribən 486 dollarla Yəmən, 526 dollarla Syerra-Leone, 537 dollarla Mərkəzi Afrika Respublikası, 538 dollarla Madaqaskar, 546 dollarla Sudan, 659 dollarla Mozambik və 670 dollarla Niger izləyir.

 

Hazırladı: Miri Məcidli