Ölən və yaralıların olduğu dəhşətli qəzadan tükürpədici video

Goranboyda ölümlə nəticələnən yol qəzası olub.

APA TV-nin Gəncə bürosunun xəbərinə görə, hadisə Bakı-Qazax yolunun Goranboy rayonunun Dəliməmmədli şəhərindən keçən hissəsində qeydə alınıb.

"Mercedes Vito" markalı mikroavtobus "ZİL" markalı yük maşınına çırpılıb. Hadisə nəticəsində 1 nəfər hadisə yerində ölüb, 6 nəfər isə xəsarət alıb.  

Ölən mikroavtobusun sərnişini - Şəmkir rayon sakini 1968-ci il təvəllüdlü Əhmədov Hikmət Fərman oğludur.

Xəsarət alanlar isə mikroavtobusun sürücüsü, 1986-cı il təvəllüdlü Məmmədov Vüsal İlqar oğlu, sərnişinlər - 1965-ci il təvəllüdlü Mirzəyeva Mehriban Mirzə qızı, 1998-ci il təvəllüdlü Həsənova Nigar Əşrəf qızı, "ZİL" markalı yük maşınının sürücüsü Zeynalov Rza Ərəstun oğludur. Daha iki nəfərə isə yerində ambulator müalicə göstərilib. Xəsarət alanların vəziyyətinin orta ağırlıqda olduğu bildirilir.

Zilin yük yerində olan torpaq yol kənarına dağılıb. İlkin etimlara görə qəzaya səbəb yüksək sürət olub.

Faktla bağlı araşdırma aparılır.