Doğmalarının məzarını ziyarətə gələnlər gördüklərindən ŞOK OLDULAR - VİDEO
15 Noyabr 2026, 23:41
Qaynar xətt:
(+99450) 247 90 86
OXU24 TV
6130
09.10.2025, 13:58
Bakıda qonşusunu qətlə yetirməkdə təqsirləndirilən Elşən Müzəffərov, həyat yoldaşı Gülnar Müzəffərova və qaynı Qasım Xankişiyevin cinayət işi üzrə məhkəmənin növbəti baxışı keçirilib.
Oxu24.com xəbər verir ki, Bakı Ağır Cinayətlər Məhkəməsində hakim Fəxri Məmmədovun sədrliyi ilə keçirilən iclasda təqsirləndirilən şəxslər ifadə veriblər.
Proses zamanı Qasım Xankişiyev bildirib ki, mərhum Səxavət İsmayılov bacısına qarşı nalayiq hərəkətlər edib.
Onun sözlərinə görə, hadisə bu səbəbdən baş verib. Lakin zərərçəkmişin hüquqi varisi bu iddianı yalan və iftira kimi qiymətləndirib.
Mübahisə zamanı tərəflər arasında gərginlik yaranıb və hakim iştirakçılara məhkəmə qaydalarına əməl etmədiklərinə görə ciddi xəbərdarlıq edib.
Qasım Xankişiyevin sözlərinə görə, hadisə barədə məlumatı ilk dəfə kürəkəni Elşən Müzəffərovdan alıb. Elşən ona həyat yoldaşı Gülnar Müzəffərovanın səs yazısını göndərib və baş verənlərdən xəbərdar olmasını istəyib. Səs yazısında Gülnar Müzəffərova bildirib ki, qonşusu Səxavət İsmayılov ərinin Rusiyada olmasından istifadə edərək hasardan aşıb evə daxil olub və ona dəfələrlə təcavüz edib.
Qasım Xankişiyev baş verənlərlə bağlı bacısından dəqiqləşdirmə aparıb, o da səs yazısındakı məlumatları təsdiqləyib. Bundan sonra Qasım kürəkəninə deyib ki, Səxavət İsmayılovu cəzalandırmağı ona həvalə etsin.
İstintaq materiallarında qeyd olunur ki, Qasım Xankişiyev və Elşən Müzəffərov öncədən plan quraraq Səxavət İsmayılovu həyətə girərkən qarşısını kəsiblər, onu boğaraq öldürüblər və meyiti həyətlərində qazdıqları quyuda basdırıblar.
Qasım Xankişiyev məhkəmədə ifadəsini dəyişərək bildirib ki, istintaqda verdiyi ifadə təzyiq altında alınıb: “Hadisə yerinə gələndə Səxavət artıq ölmüşdü. Mən sadəcə meyiti basdırmağa kömək etmişəm. Elşənə demişəm ki, gedib polisə təslim ol. Bacıma da dedim, bir nəfər öldü, biri həbsə gedir, sən də get, özünü as, öldür, yaşama artıq”.
Məhkəmənin növbəti iclası noyabrın 14-nə təyin edilib.
15:18 / 16 Noyabr 2026
12
15:00 / 16 Noyabr 2026
44
14:30 / 16 Noyabr 2026
92
14:24 / 16 Noyabr 2026
79
14:19 / 16 Noyabr 2026
108
14:14 / 16 Noyabr 2026
79
14:10 / 16 Noyabr 2026
105
14:05 / 16 Noyabr 2026
85
14:00 / 16 Noyabr 2026
81
13:51 / 16 Noyabr 2026
126
13:47 / 16 Noyabr 2026
471
13:41 / 16 Noyabr 2026
113
13:40 / 16 Noyabr 2026
96
13:38 / 16 Noyabr 2026
212
13:35 / 16 Noyabr 2026
90
13:22 / 16 Noyabr 2026
112
13:16 / 16 Noyabr 2026
443
13:10 / 16 Noyabr 2026
135
13:06 / 16 Noyabr 2026
95
13:03 / 16 Noyabr 2026
102
13:01 / 16 Noyabr 2026
106
12:49 / 16 Noyabr 2026
104
12:44 / 16 Noyabr 2026
1058
© 2026 Oxu24.com Müəllif hüquqları qorunur.