Qusman İlham Əliyevdən nə soruşmuşdu? - Video
25 İyul 2025, 11:00
Qaynar xətt:
(+99450) 247 90 86MÜSAHİBƏ
3458
01.12.2022, 15:41
“Kamalla (fövqəladə hallar naziri, bəstəkar Kəmaləddin Heydərov-red.) dostluğumuz çox qədimdir, amma yaradıcılıqla birgə fəaliyyətimiz 30 ildən çoxdur”.
Oxu24.com xəbər verir ki, bu sözləri Əməkdar incəsənət xadimi, şair Baba Vəziroğlu Modern.az-a müsahibəsində deyib.
O bildirib ki, oğlunun adını Kəmaləddin Heydərov qoyub: “Mənim oğlumun adı da Kamaldır. Əmisi, bəstəkar Kamal qoyub adını.100-ə yaxın mahnı yazmışıq, hamısı da dillər əzbəri olub. Kamal Ələkbər Tağıyev, İbrahim Topçubaşov kimi professional musiqi təhsili olmayan sənətkarlardandır. Musiqi qabiliyyəti olan istedadlı insandır. İxtisası geoloq və hüquqşünaslıqdır. Amma ürəyi nəğməli ürəkdir. Kamalın dəstxətti həmişə seçilir.
Bir fakt deyim ki, Heydər Əliyev haqqında minlərlə mahnı yazılıb, amma onun ümumilli lider haqqında yazdığı mahnı himnə çevirildi. “Heydər xalqım deyəcək, xalq Heydər söyləyəcək” mahnsını YAP himn olaraq qəbul etdi. Bu fitri bir istedaddır, birdən gecə saat ikidə məni yığır ki, bəs nə iş görürsən. Demirəm ki, bu vaxt yatarlar. Amma Kamal deyir ki, dur gəl, bir melodiya yaranıb. Bizim mahnılarımız uzun zamanda yaranmır, qısa vaxt ərzində ərsəyə gəlir. Heydər Əliyevə ithaf etdiyimiz mahnı bir gecənin içərisində yaranıb, amma illərdir ki, içimizdə yetişib.
B. Vəziroğlunun sözlərinə görə, o, dəfələrlə ulu öndərlə səfərlərdə olub: “Səfərə çıxanda özü ilə bir neçə yazıçı, bəstəkar götürürdü. Onun dövlət məmurları ilə işi yox idi, onlarla yaxınlıq etməzdi. Heydər Əliyev səfərlərə gedəndə qatarı 3 vaqondan ibarət olurdu. Birində özü olurdu, birində 3-4 nəfər sənətkar, birində isə nazirlər gedirdi. Nazirlərin vaqonu sıxlıq olurdu, buna baxmayaraq onlardan heç birini bizim boş vaqona keçirmirdi. Sözümün canı odur ki, sənətkara dəyər verirdi. Heydər Əliyevin sağlığında ona həsr etdiyimiz mahnı çox səsləndirilmirdi, bu da onun öz istəyi idi. Biz onu itirəndən sonra mahnı ikinci həyatını yaşadı. Kamalla sonuncu mahnımız “Cənab Ali Baş Komandan” mahnısı Mirələm Mirələmovun ifasında zəfərimizə, Ali Baş Komandana həsr olunub. İndi isə yeni mahnılar üzərində işləyirik. Leyla Əliyevanın da yazdığı sözləri mahnıya çeviririk. Yenidən “Səndən Nigaranam”, “Xatirədir” stilində melodiyalara qayıdırıq. Xalq o mahnıları sevdi, indi də ardını istəyir”.
Həmçinin oxuyun
Şair hesab edir ki, Azərbaycanda icra başçılarının 70%-ni dəyişmək lazımdır: “Dəyişmək də yox, içəri basmaq lazımdır. İndi icra başçısı vəzifəsində çalışanların tutulanlardan heç bir fərqi yoxdur. Yevlaxın icra başçısı saxlanılıbsa, ətraf rayonların da başçıları saxlanılmalıdır. Çünki rayonlar dəhşətli vəziyyətdədir. Rayonlara Ramiz Mehdiyevin köhnə kadrları başçılıq edirlər. Bir-ikisi istisna olmaqla, hamısı quldur, millətə zülm edənlərdir. Bir neçə gün əvvəl ali bir məclisdə dedim ki, araşdırmısız bu qədər qazi niyə intihar edir? İcra başçıları otururlar kresloda telefonla məşğuldurlar, heç bir işləri yoxdur. Hər şeyi professional şəkildə relsə qoyublar, pul özbaşına ciblərinə axır. Telefonda boş-boş işlərlə məşğuldurlar, yeyib-içirlər.
İcra hakimiyyətinin qarşısında sözünü demək istəyən qazini qəbul etmək nə çətin işdir?! O başçının köməyi gözünə girsin, təpəsinə dəysin. O qazi dinlənilmək istiyir, təsəlliedici söz demək çətin deyil. Cibinə yığdığın rüşvətdən hələlik bir az ver ki, dərdinə çarə tapsın, həm də Allaha xoş getsin. O qazinin puludur da yeyib, talayıb oturmusan orada, qudurğanlıq edib niyə qəbul etmirsən? Qazinin psixoloji problemi var deyirlər, ay alçaq, psixoloji problemi var, göndər müalicə alsın. İcra başçısı o bölgədə Prezidentin səlahiyyətli nümayəndəsidir. Bu boyda məmləkətin Prezidenti balaca uşağın qarşısında əyilir, söhbət edir. Sən niyə özünü darta-darta yeriyirsən. Onları görəndə məcbur qalıb əl verirəm, bilirəm ki, onların əlləri çirklidir, günaha batıb, qazi qanına batıb. Şəxsən tanıdıqlarım var İsmayıllının, Biləsuvarın və bir neçə rayonun cavan, savadlı başçıları bütün gün vətəndaşların içindədirlər, onlara yardım edirlər”.
B. Vəziroğlu deyib ki, Mədəniyyət Nazirliyinin ən qara dövrü Əbülfəs Qarayevin vaxtında olub: “Nazirlik bir həsirdir, bir məmmədnəsir. Anar Kərimovu tanımırdım, kənar sahədən gəlib. Bir çox tədbirlərdə və Şuşada görüşmüşük çox işgüzar adama oxşayır. Mədəniyyət sahəsi çətin, ziddiyyətli bir sahədir, bunu qısa müddət ərzində relsə qoymaq mümkün deyil. Görüləcək işlər var ona görə gözləyirəm. Əbülfəs Qarayev bilmirdi ki, Yazıçılar Birliyi, Kinemotaqrafçılar İttifaqı var, yoxsa yox. Deyirdi “gətirin görək, kimə “Xalq artisti” adı vermək lazımdır”, adam “böyük” deyildisə, "buna "Əməkdar artist" adı verək" deyirdi. Anar Kərimovdan mütərəqqi addımlar gözləyirik. Əbülfəs heç adam da saymırdı, gərək gedib qarşısında təzim edərdin, mənlə də arası bu təzim məsələsinə görə dəymişdi. Mirzə Babayev rəhmətə gedən vaxtı bir neçə şəxslə teatrın qarşısında durub söhbət edirdik. Bir maşın gəldi Əbülfəs Qarayev düşdü maşından, məmurlara xas olan xüsusiyyətdə ətrafa boylandı. Yanımdakı şəxslər düşdü əl verdi görüşdü, mən isə əyilib salam vermədiyim üçün nifrətlə baxıb keçdi. O gündən sonra mənlə düşmən oldu. Əvvəllər guya dost idi, çevirildi düşmənə. Mən xalqın şairiyəmsə, xalqın xidmətçisi gəlib mənlə görüşməlidir. Əbülfəsin məkirli sifətindən sonra, belə gülərüz adam mənə xoş gəlir (gülür). İndiki proseslər də köhnədən qalan zibillərdi ortaya çıxır, aşkar olunur”.
10:20 / 13 Avqust 2025
Əsrarəngiz meteor yağışından - Görüntülər
6
10:00 / 13 Avqust 2025
Kərbəla əvəzinə aldadıb Tiflisə apardılar - ŞİKAYƏT
141
10:00 / 13 Avqust 2025
Kərbəlaya gedən zəvvarları aldadıb yarıyolda qoydular - Video
25
09:56 / 13 Avqust 2025
Yoğun bağırsaq xərçənginin qarşısını alan qida: Gündə 5 ədəd
31
09:50 / 13 Avqust 2025
Zelenski Alyaska görüşünə niyə dəvət edilməyib?
28
09:42 / 13 Avqust 2025
Rublu olanlara VACİB XƏBƏR - YENİ MƏZƏNNƏ
177
09:41 / 13 Avqust 2025
DYP sürücülərə müraciət edib
22
09:40 / 13 Avqust 2025
Bürc proqnozuna inanıb lotoreya aldı, 10 milyon uddu
26
09:38 / 13 Avqust 2025
Rusiyadan xəbərdarlıq: Avqustun 15-də təxribat olacaq
21
09:30 / 13 Avqust 2025
Vatsapda statuslarla bağlı yeni funksiya
31
09:20 / 13 Avqust 2025
ABŞ-dən Zəngəzur dəhlizi ilə bağlı - Xəbərdarlıq
25
09:10 / 13 Avqust 2025
Balıkesirdə 3 gündə 879 zəlzələ olub
28
09:04 / 13 Avqust 2025
Polis bu şəxslə bağlı əhaliyə MÜRACİƏT EDİB
564
09:00 / 13 Avqust 2025
Skuter işıq dirəyinə çırpıldı, ölən var - Anbaan görüntülər
41
22:47 / 12 Avqust 2025
Azərbaycanda müğənni qətlə yetirilib
563
22:22 / 12 Avqust 2025
Avqustun 13-də havanın temperaturu dəyişəcək
987
22:17 / 12 Avqust 2025
Uşaq iynədən ölüb? - VİDEO
76
21:49 / 12 Avqust 2025
Misir Mərdanov Azərbaycanın Ermənistandakı səfiri olacaq?
909
21:39 / 12 Avqust 2025
Zelenski Alyaskadakı danışıqların nəticələrini tanımayacağını açıqladı
77
21:21 / 12 Avqust 2025
Elçin müəllimin unudulmaz təbəssümü - Sərvaz HÜSEYNOĞLU
80
21:16 / 12 Avqust 2025
Lavrov ABŞ dövlət katibi Rubioya zəng edib
72
21:13 / 12 Avqust 2025
Putin Kim Çen Ina zəng edib
74
20:53 / 12 Avqust 2025
860 abonentin qazı kəsiləcək
92
20:38 / 12 Avqust 2025
Bakıda ağır qəza baş verib: Yaralılar var
588
© 2025 Oxu24.com Müəllif hüquqları qorunur.