Rejissor: “36 ildir bu faciə ilə bağlı film çəkilməyib, Vahid Naxışın “Qanlı yanvar”ı isə”  

20 Yanvar faciəsini ifadə edən  hansı  ekran əsəri  ictimaiyyətə, xüsusən gənclərə  təqdim edilib?

 Bu sualımızı   tanınmış aktyor, rejissor və ssenarist Rza Rzayevə ünvanladıq.

Mövzu ilə bağlı   Oxu24.com-a danışan rejissor  bildirib ki,20 Yanvar hadisəsi bu günə qədər dərindən öyrənilməyən, tam qiymət  verilməyən tarixi hadisədir.

Həmçinin oxuyun

Vərəmli əsgər söhbəti bitməmiş bu dəfə əli silah tutmayan gənci hərbiyə aparırlar  — Səfərbərliklə DSMF arasında ziddiyətli QƏRAR

Ekologiya Nazirliyinin ən yüksək vəzifəli xanım məmuru kimdir? — DOSYE  

Maşınınızın üstünə ağac aşsa, kimə müraciət etməlisiniz?—EKSPERTDƏN AÇIQLAMA  

Ailə başçısını itirən şəxslərə pul verilməlidir? -Uşaq varsa...

” Bunu da subyektiv və obyektiv səbəbləri var, yəni hadisə siyasi məsələ  olduğu üçün  qabardılmasına o qədər də geniş meydan verilmirdi. Bunu   törədən imperiyanın gücünü itirməmiş   caynaqları  proseslərin başlanmasını, gedişini ətraflı şəkildə ekranlaşdırmağa  imkan vermirdi.

 Bir başqa səbəb isə  önümüzü Qarabağ problemi kəsmişdi, artıq bu mərhələ bitib. Biz bu haqda çox danışmalıyıq, hadisəyə dəqiq və hər tərəfli qiymət verməliyik. Müasir dövr kino tarixidir, yəni insanlar tarixi daha çox kinodan öyənirlər , biz də 20 Yanvar hadisəsi haqda filmlər çəkməlidir, 20 Yanvar hadisəsinin içində baş verən hadisələrdən 100 - lə filmlər çəkilə bilər. Amma bunun üçün bu günə qədər heç bir əsaslı işlər görülməyib. Demək olar ki , Vahid Naxışın çəkdiyi filmdən başqa bu haqda filmlər çəkilməyib. Bir film ilə bu hadisınə əhatəli təsvir etmək mümkün deyil , bu gün yenə də gec sayılmaz, amma sabahdan 20 Yanvar haqda filmlərin çəkilişinə başlanılmazsa, gec qalacağıq …”-deyə rejissor bildirib

 Xatırladaq ki,  Vahid Naxışın 20 Yanvar faciəsi ilə bağlı  büdcəsi bir milyon manata başa gələn “Qanlı Yanvar” filmi  2015-ci ildə  çəkilib. Amma uğur qazanmadı.Çünki, bədii film yayımlanan gündən  film ətrafında müxtəlif fikirlər səsləndirilməyə, müzakirələr açılmağa başlanıldı.

Xalq artisti, rejissor Şeyx Əbdül Mahmudbəyov  film haqqında belə söyləmişdi: “20 Yanvar hadisələrinin 26-cı ildönümündə filmi izləyənlər kəskin etirazlarını bildiriblər. Səbəb isə filmdə yaxın tariximizin təhrif olunması, əliyalın xalqın Sovet qoşunlarına qarşı silahlı mübarizə formasında müqavimət göstərməsi, 13 yaşlı şəhid Larisanın nigahdankənar hamilə qalması və s. kimi məqamlardır.

Qarabağ müharibəsi iştirakçıları, 20 Yanvar şahidləri filmin nümayiş olunmasını azərbaycanlılara qarşı təhqir kimi dəyərləndiriblər”.

 Xüsusən   “20 Yanvar” hadisələrində şəhid olmuş 13 yaşlı məktəbli Larisa qeyri-rəsmi münasibətdən hamilə qalmış və ruslar tərəfindən zorlanmış gənc xanım olaraq, göstərilməsi, digər süjetlərdə qadınların siqaret çəkmələri, söyüş söymələri, cavanların hadisə öncəsi kef məclisi qurmaları və silahlı təsvir olunmaları insanları özündən çıxartdı. “20 Yanvar” şəhidi olan Larisanın atası Fərman Məmmədov da filmdə qızının namusuna toxunulduğunu və şəhidə layiq olmayan obrazda canlandırıldığını bildirərək, öz narazılığını ictimaiyyətə çatdırdı. 

Tamaşaçıların filmə baxdığqdan sonra fikirləri velə oldu:”Vahid Naxış həmin filmlə onlara başa salıb ki, əslində rus ordusu sadəcə Azərbaycanda , Bakıda əxlaqsızlığın, pozgunluğun , özbaşınalığın kökünü qaşımağa gəliblər. 13 yaşlı məktəblini, şəhidi "qeyri-qanun uşaq peydahlamış əxlaqsız " biri kimi göstərən rejissor indiyə qədər niyə cəzalanmayib , bu da ayrı bir söhbətin mövzusudur...

Tamaşaçılar iddialarında "Brest qalası" filminin plagiatı olan, 2012-ci ildə Xocalı hadisələrinə həsr edilərək çəkilmiş "Xoca" filminin necə uğursuzluğa düçar olduğunu, gülüş obyektinə çevrildiyini  də vurğulayırdılar. 

 Qanlı yanvar” filmi ilə bağlı "20 Yanvar" Cəmiyyətinin sədri, hadisələrin canlı şahidi Soltan Əzimov "O filmin 20 Yanvar hadisələrinə heç bir aidiyyatı yoxdur, o film elə Vahid Mustafayevin şəxsi düşüncəsində olan bir filmdir” deyə bildirib: "Vahid Mustafayevin səviyyəsi nə yerdədirsə, o filmin də səviyyəsi o yerdədir. Həmin film milləti təhqir edən, 20 Yanvarı ləkələyən bir filmdir. 

 Əntiqə Rəşid