Rusiyaya görə nə qədər pul itirilib? - Azərbaycanlı politoloqla müsahibə

MÜSAHİBƏ

655

09.12.2025, 12:18

Aİ-nin Rusiya əleyhinə sanksiyalara görə itirdiyi məbləğ açıqlanıb.

Mövzu ilə bağlı politoloq Zeynal Əmrəliyev Oxu24.com-a açıqlamasında qeyd edib ki, Avropa Birliyi ölkələrinin birlikdə ticarətdə Rusiyaya qarşı sanksiyaların tətbiqindən sonra xeyli itirdilər:

“Əsasən Şərqi Avropa ölkələri, hansı ki, bu ölkələrin Rusiya ilə çox geniş ticarət əlaqələri var idi. Təsadüfi deyil ki, bu gün Şərqi Avropa ölkələrinin bəziləri məhz Rusiya ilə əlaqələrə yenidən can atır, Ukrayna müharibəsinin tezliklə bitməsini arzulayırlar. Bu ölkələrin içərisində bəziləri Avropa İttifaqının Rusiyanın əleyhinə qəbul edəcək qərarlarını veto edirlər. Avropa İttifaqının Rusiya ilə bağlı proseslərə cəlb olunması, sanksiya siyasətində aktiv şəkildə iştirak etməsi kifayət qədər ciddi iqtisadi problemləri özündə birləşdirir.

Həmçinin oxuyun

Prezident mühüm FƏRMAN İMZALADI: Yanvarın 1-dən qüvvəyə minir

Elxan İbrahimov ona zəng edən jurnalistə nə deyib?

Kəmaləddin Heydərovdan YENİ TƏYİNAT

Prezidentin vəzifədən azad etdiyi Elxan İbrahimov kimdir? - DOSYE

Rusiya, ümumilikdə Avropada ,əsasən Şərqi Avropa ölkələrində, keçmiş sosializm quruculuğu olan ölkələrdə kök salmışdı. Yəni, iqtisadiyyatı güclü idi. Eyni zamanda siyasi dayaqları da var idi. Çünki, bu ölkələr vaxtilə sosialist təsirində olduğu üçün bu ölkələrdə yetişən kadrların bir çoxu hələ də Rusiyaya xidmət edirdi. Və həmin ölkələrin də Avropa İttifaqına üzv dövlətlər kimi sanksiya siyasətinə qoşulması istər-istəməz Rusiya və İttifaq daxilində müəyyən dərəcədə çaxnaşmalara səbəb oldu. Çünki, vaxtilə bu şəxslər hakimiyyətdə olan zaman Rusiyanın öz ölkələrində təsirinin güclənməsinə soyuq baxmadılar. Faktiki olaraq, Rusiya həmin ölkələrdə öz təsirini gücləndirdi. Bu həm diplomatik-siyasi təsirlərdir, həm də iqtisadi təsirlər. Buna görə də bu gün Avropa İttifaqı ticarəti qadağan edərkən buna üzv olan, bu kimi keçmiş sosialist ölkələrində vəziyyət pisləşir. Bu da Ümumi ittifaq dilində xeyli sayda pul itirilməsinə gətirib çıxaran amildir”.

Çimnaz Telmanqızı