Xərçəng peyvəndi ilk xəstədə ümidverici nəticə göstərdi 

Rusiyada melanoma xəstələrinin müalicəsi üçün hazırlanmış fərdiləşdirilmiş mRNA peyvəndinin ilk tətbiqindən sonra ilkin müsbət nəticələr açıqlanıb.

“Qafqazinfo” xəbər verir ki, Qamaleya Tədqiqat Mərkəzinin elmi rəhbəri Aleksandr Ginzburqun sözlərinə görə, apreldə peyvəndin ilk dozasını alan 60 yaşlı melanoma xəstəsinin müalicəsi davam edir.

İlkin müşahidələrdə pasiyentin orqanizmində şiş və metastazlarla mübarizədə rol oynayan immun reaksiyanın formalaşdığı bildirilib.

Rusiyanın Səhiyyə Nazirliyinin məlumatına əsasən, fərdiləşdirilmiş antixərçəng mRNA peyvəndi “Neooncovac” ilk dəfə 1 aprel 2026-cı ildə 60 yaşlı melanoma xəstəsinə tətbiq olunub. Preparat Milli Tibbi Radiologiya Tədqiqat Mərkəzi və Qamaleya Milli Epidemiologiya və Mikrobiologiya Tədqiqat Mərkəzinin birgə layihəsidir.

Preparatın əsas xüsusiyyəti onun hər xəstə üçün ayrıca hazırlanmasıdır. Bunun üçün pasiyentin şiş toxuması və sağlam toxumasından nümunələr götürülür, onların genetik xüsusiyyətləri analiz edilir və nəticələr əsasında həmin şəxsin şiş hüceyrələrinə uyğun peyvənd hazırlanır.

Məqsəd immun sistemini xərçəng hüceyrələrini tanımağa və onlara qarşı daha məqsədyönlü reaksiya göstərməyə yönəltməkdir. Milli Tibbi Radiologiya Tədqiqat Mərkəzi preparatın xəstənin fərdi genetik profilinə əsaslandığını bildirir.

Qamaleya İnstitutunun məlumatına görə, yaxın mərhələdə daha 10 melanoma xəstəsi üçün fərdiləşdirilmiş peyvənd hazırlanması planlaşdırılır.

Bununla yanaşı, Rusiyada digər xərçəng növlərinə qarşı fərdiləşdirilmiş müalicə yanaşmaları üzərində də iş aparılır. Tədqiqatçılar texnologiyanın gələcəkdə melanoma ilə yanaşı, digər onkoloji xəstəliklərin müalicəsində də tətbiq imkanlarını araşdırırlar.

Rusiyanın Milli Tibbi Radiologiya Tədqiqat Mərkəzi preparatın klinik istifadəsinə icazə verildiyini və onun melanoma xəstələrinin fərdi müalicəsində tətbiq edildiyini bildirir

Həmçinin oxuyun

Nazir müavini təyin OLUNDU

SON DƏQİQƏ! 1 avqustun havası ilə bağlı XƏBƏRDARLIQ

1 avqustda bizi nələr gözləyir? — ULDUZ FALI

Prezident İlham Əliyev sərəncam imzalayıb