"Epşteyn  sənədləri"ndə ŞOK DETAL: Müqəddəs parçalar ABŞ-yə göndərilib?  

Jeffrey Epsteinlə bağlı açıqlanan yeni sənədlərdə İslam dünyası üçün son dərəcə həssas və mübahisəli bir iddia yer alıb. Sənədlərə əsasən, Kəbəni örtən müqəddəs kisva parçalarından bəzilərinin 2017-ci ildə Məkkədən ABŞ-a, Floridaya göndərildiyi iddia olunur.

Oxu24.com xəbər verir  ki,bu proses Birləşmiş Ərəb Əmirlikləri ilə əlaqəli şəxslər vasitəsilə təşkil edilib və göndəriş sonda məhkum edilmiş pedofil cinayətkar Cefri Epşteynə çatdırılıb.

2017-ci ilin fevral–mart aylarına aid elektron yazışmalarda BƏƏ-li iş qadını Aziza Əl Əhmədinin Abdullah Əl Mari adlı şəxslə birlikdə kisvaya aid üç parça materialın göndərilməsini koordinasiya etdiyi görünür.

Qeyd edək ki, kisva hər il dəyişdirilən, Kəbəni örtən qara rəngli və qızılı naxışlarla bəzədilmiş parçadır. Bu örtük və onun hissələri müsəlmanlar üçün yüksək dini və mənəvi dəyər daşıyır. Əvvəlki illərə aid kisva parçaları adətən müqəddəs artefakt kimi qorunur və xüsusi nəzarət altında saxlanılır.

Sənədlərdə iddia olunur ki, məhz 2017-ci ildə kisvaya aid bəzi hissələr Səudiyyə Ərəbistanından Britaniya üzərindən hava yolu ilə ABŞ-ın Florida ştatına göndərilib.

Elektron yazışmalarda fakturalar, gömrük prosedurları və ABŞ daxilində çatdırılma məsələlərinin detallı şəkildə müzakirə edildiyi qeyd olunur.

Yazışmalarda üç fərqli parça təsvir edilir:

– birinin Kəbənin daxili hissəsindən olduğu bildirilir;

– digərinin istifadə olunmuş xarici örtüyə aid olduğu qeyd edilir;

– üçüncü parça isə eyni materialdan hazırlanmış, lakin istifadə edilməmiş örtük kimi göstərilir.

Sənədlərə görə, istifadə olunmamış parça “incəsənət əsəri” kimi təsnif edilərək göndərilib. Göndərişin 2017-ci ilin mart ayında Epşteynin evinə çatdırıldığı bildirilir. Həmin dövrdə Epşteyn artıq əvvəlki həbs cəzasını çəkmişdi.

Lakin elektron məktublarda və açıqlanan sənədlərdə bu qədər dini əhəmiyyət daşıyan parçaların hansı məqsədlə Epşteynə göndərildiyi barədə hər hansı izahat yer almır. Bu məqam sənədlərdə açıq sual olaraq qalır və iddialar geniş müzakirələrə səbəb olub.

Turan Etibaroğlu

Həmçinin oxuyun

Sosial büdcədə rekord: maaş və pensiyalar artır? 

Prezidentin vəzifədən azad etdiyi məmurla bağlı yeni qərar verildi

SON DƏQİQƏ AÇIQLAMASI: Avqustun 10-dan sonra başlanılacaq

Yüksək vəzifəyə təyinat alan xanım KİMDİR? — FOTO