TV-lərdə “ürəkgetmə”, “nişan”, “dava-dalaş”: Saxta səhnələrlə tamaşaçını aldatmaq...

MARAQLI

1088

23.01.2026, 11:35

Efirlər son zamanlar mənasız şouların, əttökən “şok, şok, şok”ların məkanına çevrilib. Xüsusən efir vaxtı baş verən ürəkgetmələr, verlişi tərk etmələr, verlişdə etik qaydalara zidd olan dialoq və davalar, Azərbaycan teleməkanını gözdən salan detallardır. Ən çox “şou və şok” hansı kanalın payına düşür, deyə, fikirə qərq olsaq, ən çox ATV gözümüz qarşısına gələr. ATV-nin efirini mənimsəmiş “Rəngarəng” və “Bizimləsən” proqramlarında dediyimiz hallar daha tez-tez baş verir.

Əslində “Şok və şou” hadisələrinin saxta və quraşdırma olduğu həmin an anlamaq olur. Bunu verlişi izləyən hər kəs başa düşür ki, verlişdə baş verən qəfləti “şok” , məsələn, “ürəkgetmə”(ATV”Bizimləsən”) uydurmadır.

Bunun uydurma olduğunu uzun müddət gizlətmək, gerçək kimi qələmə vermək də artıq mümkün deyil. Gec ya tez, o uydurma səhnəni quraşdıranların da, o səhnədə “oyunçu” olanların da uydurması üzə çıxır. Ya zəlzələdən, ya vəlvələdən.

Məsələn, belə “şok” səhnəcikdə “ yüksək performans göstərmiş “oyunçu”lardan biri - müğənni Təranə Qumral ATV kanalında yayımlanan "Rəngarəng"verilişinin “iç üzünü” ortaya tökdü. Müğənni bildirib ki, Zaur Nəbioğlunun "Rəngarəng" verilişində qızı Sevgimin nişan mərasiminin saxtaymış. Bildiyiniz, bu saxtakarlığı veriliş tərəfindən hazırlanıb. Sən demə, hələ Təranə Qumral verlişə gəlməmişdən əvvəl aparıcı kalağayı, xonça, gül dəstəsini alıb və müğənniyə deyib ki, burda teatr quracağıq.Guya Sevgimə nişan gətiriblər.

Müğənni sonra iddia edib ki, efirlərdə olan hadisələrin böyük əksəriyyəti saxtadır. Sevgim heç vaxt nişanlı olmayıb...Bundan sonra hamısının etdiklərini açıb,deyəcəm.Hamınızı biabır edəcəm",-deyə müğənni qəzəbini Zaur Nəbioğlunu ifşa etməklə bildirib.

Elə Əməkdar artist Abbas Bağırov da T. Qumralın açıqlamasını təsdiq edərək deyib ki, verilişlərdə baş verən bəzi hadisələr saxtadır. Tanınmışların verilişdən yarımçıq getməsini də qurma adlandıran Əməkdar artist tamaşaçını aldatmağın lazım olmadığını vurğulayıb.

P.S. Oğru oğrudur, cinayətkardır. Bu oğurluğu görən şəxs buna biganə qalırsa, susursa, o da elə oğru qədər cinayətkardır. İndi saxta səhnəciklərlə özünü gündəmdə saxlayan , tamaşaçıları saxtakarlıqla barmağına dolayan teleaparıcılara efir mütəxəssisləri, daha dəqiq, əlaqədar qurumlar susursa, heç bir tədbir görmürsə, demək ki, elə onlarla eyni səviyyədədir və o da tamaşaçıları barmağına dolayır.

Tamaşaçılar isə səhnələşdirilmiş “şok”, “şou” proqramlara baxarkən burdakı saxtakarlığı görür və yenidən o tip verlişlərə baxırsa, etiraz etmirsə, baykot etmirsə, onda tamaşaçıya da bu haqsızlıq elə “haqq” olur.

Əntiqə Rəşid

Həmçinin oxuyun