Balakəndə evdən qadın meyiti tapılıb.

Oxu24.com-un məlumatına görə, hadisə rayonun Tülü kəndində baş verib. Belə ki, kənd sakini 1983-cü il təvəllüdlü Əfəndiyeva Zeynəb Vahid qızının meyiti yaşadığı ünvanda aşkarlanıb.

İlkin ehtimallara görə, 36 yaşlı qadın dəm qazından boğulub.

Qadının ölümünün dəqiq səbəbini müəyyənləşdirmək üçün meyiti Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Balakən rayon şöbəsinə təhvil verilib.

Qadının bir övladı var.

Faktla bağlı araşdırma davam etdirilir. Oxu24.com