Sumqayıtda 2 gəncin dənizdə boğularaq ölməsi hadisəsi ilə bağlı bəzi məqamlar üzə çıxıb.

Bədən Tərbiyəsi və İdman Akademiyasının tələbəsi, Hüseynov Fərid Ələddin oğlu, Bakı Dövlət Universitetinin tələbəsi Həşimzadə Hakim Hatəm oğlu və daha 2 nəfər bazar günü Bakıdan Sumqayıta gedib. Onlar Sumqayıtda dənizə çimməyə giriblər. Bu zaman Fərid Hüseynovun ayağı boşluğa düşüb və o, boğulmağa başlayıb. Hakim Həşimzadə dərhal dostuna kömək etməyə çalışıb və o da suda batıb. Digər iki gənc isə sudan çıxaraq dostlarının batması barədə məlumat veriblər.

Faktla bağlı araşdırmalar davam etdirilir. Oxu24.com