Cani ata 20 yaşlı qızını 8 bıçaq zərbəsi ilə QƏTLƏ YETİRDİ

Avstraliyada bir ata maşında dalaşdığı 20 yaşlı qızını vəhşicəsinə qətlə yetirib.

''Ölkə.Az'' xəbər verir ki, faciəvi hadisə Avstraliyanın Adelaide şəhərində baş verib. Öldürülən Sabrina Lekaj adlı gənc qız dostları ilə tez-tez görüşən, gecə onlarla əylənən biri kimi tanınıb. 20 yaşlı qızının həyat tərzini bəyənməyən 49 yaşlı ata, Petrit Lekaj qızı ilə danışmaq istəyib. Özü ilə evdəki 15 sanitimetrlik bıçağı da götürən ata qızını maşına mindirib.

Petrit ilə qızının söhbəti mübahisəyə, mübahisə də davaya çevrildikdən sonra ata qızını 8 bıçaq zərbəsi ilə qətlə yetirib. Məhkəmə qarşısına çıxarılan Petrit deyib ki, o sadəcə narkotik aludəçisi olan qızını qorxutmaq istəyib.

Belə ki, daha sonra cinayətin tükürpədici təfərrüatları ortaya çıxıb. Məlum olub ki, ata qızının cansız bədəni ilə bir saat maşınla gəzintidə olub.

Ömürlük həbs cəzasına məhkum olan ata eyni zamanda narkotacirliklə məşğul olub.

 

O əvvəllərdə 1994-cü ildə, 2007-ci ildə və 2009-cu ildə narkotik üstündə məhkumluq həyatı yaşayıb.