DTX onları belə ifşa etdi: 5 milyon avro istəyiblərmiş -VİDEO

KRİMİNAL

1180

18.03.2026, 16:14

Bu ilin əvvəlindən xaricdə yaşayan blogerlər, Mehman və Emin Hüseynovlar, Qabil Məmmədov, Aliona Əliyeva barədə müxtəlif internet platformalarında böhtan xarakterli məlumatlar yaymağa başladılar. Hətta Mehman Hüseynov canlı yayımların birində bir neçə saniyəlik şəkil fragmentini nümayiş etdirdi.

Bu saxta videomateriallar hardan alınıb? Blogerlər videoları müəyyən adamlardan aldıqlarını deyirlər. Bəs bu adamlar kimdi?

Oxu24.com xəbər verir ki, DTX həmin şəbəkənin ifşası ilə bağlı əməliyyat keçirib.

İTV-nin yaydığı video materiala görə,blogerlərin internetdə qarayaxma kampaniyasına başlaması ilə təxminən eyni vaxtda Azərbaycanın yüksək vəzifəli şəxsləri ilə bir nəfər öz sosial media hesabları, elektron poçt və xaricdə qeydiyyata alınmış telefon nömrəsi üzərindən əlaqə saxlamağa çalışır. Xarici ölkədə olan bu şəxs həmin adamları guya Aliona Əliyevaya məxsus olması iddia etdiyi kadrlarla şantaj edir. Bu görüntüləri yaymamağının müqabilində 5 milyon avro tələb edir.

Faktla əlaqədər Dövlət Təhlükəsizliyi Xidmətində Cinayət Məcəlləsinin müvafiq maddəsi üzrə cinayət işi başlanılır. Əməliyyat nəticəsində bu cinayət əməlini törətməkdə şübhəli bilinən Azərbaycan vətəndaşı F.S. saxlanılır. İstintaqa ifadəsində o, cinayəti törətdiyini etiraf edir və detalları danışır. Qeyd edək ki, saxlanılan şəxslə bağlı məhkəmə hökmü olmadığından biz reportajda onun adını çəkmirik və üzünü də göstərmirik.

Məhkəmə qərarı olandan sonra bu şəxsin kimliyi açıqlanacaq.

Ətraflı video materialı təqdim edirik:

Hazırladı: Jalə

Həmçinin oxuyun