Canı yayımda söyüş söyən sərxoş tiktoker həbs olundu
16 Noyabr 2026, 23:37
Qaynar xətt:
(+99450) 247 90 86
KRİMİNAL
1094
08.09.2025, 16:15
Xalası tərəfindən işgəncəyə məruz qalan 14 yaşlı yeniyetmə Sosial Xidmətlər Agentliyinə təhvil verilib.
Oxu24.com bu məlumat Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq verilib.
Qeyd edilib ki, sentyabrın 1-də Respublika Pediatriya Mərkəzinin nəzdində olan Ə.F.Qarayev adına Uşaq Klinik Xəstəxanasında müalicə alan 2011-ci il təvəllüdlü pasiyent (kişi cinsli) göstərilən zəruri tibbi xidmətlərdən sonra sağlam şəkildə Sosial Xidmətlər Agentliyinin əməkdaşlarına təhvil verilib.
"Xatırladaq ki, azyaşlı Sabunçu rayon ərazisində baş vermiş hadisə ilə bağlı aidiyyəti qurumlar tərəfindən tibb müəssisəsinə hospitalizasiya olunmuşdu. Onda bədənin müxtəlif nahiyələrində çoxsaylı xəsarət izləri (çapıq və şırımlar), saçlı dəridən alın-təpə nahiyəsinə qədər saçsız hissə və çapıq toxuması, sol kürək nahiyəsində, sol əl pəncəsində ödəm qeydə alınıb, ixtisaslı həkim və laborator-diaqnostik müayinələrdən sonra zəruri müalicə prosedurları icra olunub",- deyə məlumatda bildirilir.
Sosial Xidmətlər Agentliyindən Oxu.Az-ın sorğusuna cavab olaraq fakt təsdiqlənib.
Qeyd edilib ki, qəyyumu tərəfindən zorakılığa məruz qaldığı iddia edilən uşaqla bağlı məlumat daxil olduğu ilk andan Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları prosesə cəlb edilib.
"Uşaq aidiyyəti qurumlarla koordinasiyalı şəkildə əvvəlcə səhiyyə müəssisəsinə yerləşdirilib. Müayinə və qiymətləndirilmə prosedurları bitdikdən sonra isə o, Agentliyin müvafiq sosial xidmət müəssisəsinə yerləşdirilib. Burada ona Agentliyin mütəxəssisləri tərəfindən sosial-məişət, sosial-hüquqi, sosial-psixoloji, sosial-pedaqoji və digər sosial xidmətlər göstəriləcək", - deyə məlumatda vurğulanır.
00:49 / 17 Noyabr 2026
85
00:34 / 17 Noyabr 2026
188
00:17 / 17 Noyabr 2026
94
23:58 / 16 Noyabr 2026
105
23:50 / 16 Noyabr 2026
115
23:37 / 16 Noyabr 2026
116
23:33 / 16 Noyabr 2026
101
23:25 / 16 Noyabr 2026
102
23:07 / 16 Noyabr 2026
104
22:57 / 16 Noyabr 2026
113
22:47 / 16 Noyabr 2026
120
22:30 / 16 Noyabr 2026
114
22:25 / 16 Noyabr 2026
159
22:21 / 16 Noyabr 2026
247
22:10 / 16 Noyabr 2026
145
21:59 / 16 Noyabr 2026
113
21:52 / 16 Noyabr 2026
149
21:46 / 16 Noyabr 2026
115
21:35 / 16 Noyabr 2026
140
21:30 / 16 Noyabr 2026
2211
21:24 / 16 Noyabr 2026
124
21:16 / 16 Noyabr 2026
137
21:01 / 16 Noyabr 2026
165
© 2026 Oxu24.com Müəllif hüquqları qorunur.