İşləyənlərin NƏZƏRİNƏ: Əməkhaqqınızı BELƏ ALACAQSINIZ

İQTİSADİYYAT

625

23.01.2026, 18:10

Saatlıq əməkhaqqı sisteminə keçidlə bağlı təklif hökumətə təqdim olunub və məsələ hazırda müzakirələr mərhələsindədir. Bunu Dövlət Əmək Müfəttişliyi Xidmətinin rəisi Vəli Quliyev bildirib. Yeni yanaşmanın bu ilin sonuna qədər tam şəkildə tətbiq ediləcəyi isə hələlik sual altındadır.

Maraqlıdır, saatlıq əməkhaqqı sisteminə keçid bu ilin sonuna qədər tam şəkildə mümkündürmü?

Oxu24.com xəbər verir ki mövzu ilə bağlı KONKRET.az-a açıqlama verən iqtisadçı Natiq Cəfərli qeyd edib ki, saatlıq ödəniş sisteminə keçid kifayət qədər çətin və mərhələli prosesdir.

Onun sözlərinə görə, hazırkı qanunvericilikdə “minimum əməkhaqqı” anlayışı aylıq əməkhaqqı üzərində qurulub və saatlıq sistemə keçid üçün bir sıra əsas anlayışların dəyişdirilməsinə ehtiyac var:

“Bu keçid üçün tək bir qanun kifayət etmir. Bir neçə qanuna paket şəklində əlavə və dəyişikliklər edilməlidir. Əmək haqqı və əmək müqaviləsi anlayışları yenidən formalaşdırılmalıdır”.

Həmçinin oxuyun

Azərbaycan İrana nota HAZIRLAYIR

TƏCİLİ! Azərbaycan rəsmən İrana xəbərdarlıq etdi: Tələb edirik!

Prezident FƏRMAN İMZALADI : Güzəştli maliyyə HAQQINDA

Naxçıvana hücumla bağlı RƏSMİ AÇIQLAMA

İqtisadçı bildirib ki, saatlıq əməkhaqqı sisteminin əsas prinsipləri hələ açıqlanmayıb:

“Bir saatlıq minimum əməkhaqqının nə qədər olacağı bəlli deyil. Hazırda aylıq minimum əməkhaqqı 400 manatdır. Bu məbləği iş saatlarına necə böləcəklər, yoxsa tamamilə fərqli mexanizm tətbiq olunacaq, bu suallar açıq qalır”.

Natiq Cəfərli vurğulayıb ki, bütün bu qeyri-müəyyənliklər fonunda saatlıq əməkhaqqı sisteminin qısa müddətdə, xüsusilə də bu ilin sonuna qədər tam tətbiq ediləcəyini real hesab etmir.

Qeyd edək ki, saatlıq əməkhaqqı sisteminə keçid beynəlxalq təcrübədə çevik məşğulluq modelinin bir hissəsi kimi qiymətləndirilsə də, Azərbaycanda bunun tətbiqi üçün hüquqi və institusional dəyişikliklər tələb olunur.