Problemli kreditlər artmaqda davam edir: Bank sektoru hansı risklərlə üzləşir?  

Son dövrlər Azərbaycanda problemli kreditlərin həcmi nəzərəçarpacaq dərəcədə artıb. Bu vəziyyət həm bank sektoruna, həm də qeyri-bank kredit təşkilatlarının maliyyə dayanıqlığına birbaşa təsir göstərir.

Rəsmi məlumatlara görə, 2025-ci il oktyabr ayı üzrə ölkədə vaxtı keçmiş kreditlərin məbləği 528,1 milyon manata çatıb. Bu, ilin əvvəli ilə müqayisədə 17,6 faiz və ya 79 milyon manat artım deməkdir. Son bir ildə problemli kreditlərin həcmi də 10 faiz və ya 48,1 milyon manat artaraq bank sektorunda müəyyən risklərin yüksəldiyini göstərir.

Məsələ ilə bağlı iqtisadçı-ekspert Natiq Cəfərli  Oxu24.com-un suallarını cavablandırıb.

– Natiq müəllim, problemli kreditlərin həcminin artması bank sektorunun sabitliyinə hansı təsirləri göstərə bilər və bu istiqamətdə hansı islahatlar vacib hesab olunur?

-Təəssüflər olsun ki, problemli kreditlərin həcminin hələ artmasını müşahidə edirik. Bu, əlbəttə, müsbət tendensiya deyil. Amma insafən demək lazımdır ki, hələ bu göstərici kritik həddə çatmayıb. Hazırda ümumi kredit portfelinin cəmi 1,8 faizi problemli kreditlərə aiddir.

Həmçinin oxuyun

Azərbaycanda iki tələbənin MEYİTİ TAPILDI

Bu şəxslərə vergi güzəşti olacaq - SİYAHI

Yanvarın 15-də bizi nələr GÖZLƏYİR? - BÜRCLƏR 

Evə "kupça" almaq  istəyənlərə ŞAD XƏBƏR

Beynəlxalq təcrübə göstərir ki, bu göstərici 3 faizi keçəndə, bank sektoru üçün ciddi problemlər yaranır. 

Ola bilər ki, gələn ilin ortalarına qədər bu göstərici 2 faizə çatsın. Bu da, təbii ki, bank sektoru üçün əlavə stress, əlavə yük və problemlər yaradır.

– Vətəndaşların kredit öhdəliklərini icra edə bilməməsinin əsas səbəbləri hansılardır və bu problemi minimuma endirmək üçün hansı sosial-iqtisadi mexanizmlər tətbiq oluna bilər?

-Əslində, problemi yaradan səbəblər aradan qaldırılmalıdır. Əsas səbəblərdən biri faiz dərəcələrinin, xüsusilə də istehlak kreditlərində həddindən artıq yüksək olmasıdır.

Digər mühüm amil isə insanların real gəlirlərinin son iki ildə demək olar ki, artmamasıdır. Nominal gəlirlər artsa da, inflyasiyanın yüksək olması səbəbindən bu artım real gəlir artımına çevrilə bilmir.

Nəticədə, insanların ödəmə qabiliyyəti zəifləyir və bu da problemli kreditlərin artmasına səbəb olur.

 Pərvin Şakirqızı