Beynəlxalq Valyuta Fondunun (BVF) sözçüsü Julie Kozak bildirib ki, Yaxın Şərqdə gərginliyin daha da artması həm regionun özü, həm də ondan kənarda yerləşən ölkələr üçün əhəmiyyətli nəticələrə gətirib çıxaracaq.

“Münaqişənin daha da genişlənməsi ehtimalı riskləri və qeyri-müəyyənliyi artırır və region və onun hüdudlarından kənarda əhəmiyyətli iqtisadi nəticələrə səbəb ola bilər. Son hadisələrə gəlincə, onların iqtisadi nəticələri barədə danışmaq hələ tezdir, lakin biz artıq bilirik ki, münaqişənin mərkəzində iqtisadiyyat dayanır”, - Kozak bildirib.

Onun sözlərinə görə, İordan çayının qərb sahili, Qəzza zolağı, Livan və İsrail iqtisadi cəhətdən “ciddi təsirləndi”. Beləliklə, "demək olar ki, bir il davam edən münaqişə Qəzzanın iqtisadiyyatına dağıdıcı təsir göstərdi, mülki əhali ağır sosial-iqtisadi vəziyyətlə, humanitar böhranla və kifayət qədər humanitar yardımla üzləşmədi" ,- deyə o bildirib.

O vurğulayıb ki, Yaxın Şərq münaqişəsinin kəskinləşməsi nəqliyyat və malların qiymətinə təsir edir. "Biz vəziyyəti diqqətlə izləyirik, bu, böyük narahatlıq yaradır, çox yüksək qeyri-müəyyənlik var", - BVF nümayəndəsi yekunlaşdırıb.

Nigar