Avro Avropa Parlamentinə seçkilərdən sonra çökdü

Fransa prezidenti Emmanuel Makron Aİ seçkilərində ifrat sağçılara məğlub olduqdan sonra növbədənkənar parlament seçkiləri təyin etmək qərarına gəldikdən sonra avronun məzənnəsi dollar qarşısında ucuzlaşıb.

 

Reuters yazır ki, avro 0,5% ucuzlaşaraq bir ayın minimumu 1,0764 dollara düşüb.

“Bu, yəqin ki, bazarlar üçün bir az pis xəbərdir. Bu, gözlənilməz qeyri-müəyyənlik elementi gətirir,” Berenberqin baş iqtisadçısı Holger Schmieding bildirib.

 

Ekspertlərin fikrincə, investorlar Avropanın daha sıx fiskal və maliyyə inteqrasiyası öhdəliyinə şübhə etməyə başlaya bilərlər. Treyderlər də bahislərində siyasi qeyri-müəyyənliyi nəzərə almalı olacaqlar.

 

Bu, son həftələrdə valyuta bazarlarında hökmranlıq etməyə başlayan avroya qarşı formalaşan müsbət əhval-ruhiyyəyə zərbə kimi qiymətləndirilə bilər.

 

Avropa Mərkəzi Bankı ötən həftə son 5 ildə ilk dəfə faiz dərəcələrini azaldıb və bu il valyuta dollara nisbətdə təxminən 2,5% ucuzlaşıb ki, bu da əsasən avrozonada və ABŞ-da faiz dərəcələrinin aşağı salınmasının nisbi perspektivləri ilə bağlıdır.

 

Nigar