Gənc jurnalist Amin Nəzərli məhkəmədə “Azəriqaz” İB-ə qalib gəlib. O, bu barədə “facebook” hesabında status paylaşıb:
“Xətai rayon məhkəməsində aylardır davam edən məhkəmə işim bu gün başa çatdı. Ölkənin ən məsuliyyətsiz qurumu deyə biləcəyim Azəriqaz İB-a qalib gəldim. Hakim Azəriqaz tərəfindən yazılan əsassız borcun silinməsinə dair ədalətli qərar çıxardı. Prosesi udmağımda mənə yardımçı olan, hüquqi dəstək və təcrübələrini əsirgəməyən Miri Məcidli, Ələddin Qarayev və Mirvari Qəhrəmanlıya dərin təşəkkürümü bildirirəm.
Hörmətli Azəriqaz, sizinlə işimiz bitmədi. 15 mətbuat orqanında üzr açıqlaması yayımlayacaqsız hələ”.

Qeyd edək ki, jurnalistin ata evinə Biləsuvar rayon Qaz istismar İdarəsi tərəfindən 345 manat əsassız borc yazılmışdı.

Amin Nəzərli Femida.az saytının əməkdaşıdır. Oxu24.com