Rəqsanə yenidən həbs ediləcək? — Səidə Bəkirqızı məhkəməyə verir

HÜQUQ

353

26.01.2026, 13:37

Müğənni Rəqsanə İsmayılova ilə aparıcı Səidə Bəkirqızı arasındakı qalmaqal səngimək bilmir. Səidə Bəkirqızı Rəqsanənin “body” geyimdə etdiyi fotosessiyanı sərt şəkildə tənqid edib. Bunun ardınca Rəqsanə İsmayılova sosial şəbəkələrdə aparıcının şəxsi həyatı ilə bağlı iddialar səsləndirib, eyni zamanda Səidə Bəkirqızının atasına ünvanlanan təhqiramiz ifadələr işlədib. Səidə Bəkirqızı isə bu məsələyə görə onu məhkəməyə verəcəyini açıqlayıb.

Oxu24.com xəbər verir ki, bu barədə Demokrat.az aparıcı Səidə Bəkirqızı ilə əlaqə saxlayıb.

Aparıcı saytımıza açıqlamasında bildirib ki, artıq hüquqi addım başlayıb:

“Məsələ ilə bağlı qalmaqal yaratmamışdım, sadəcə faktları ortaya qoymuşdum. Jurnalist mövqeyimi ifadə etmişdim və bunu edərkən heç kəsi təhqir etməmiş, nə atasını, nə anasını, nə də şəxsiyyətini alçaltmamışdım. Müxtəlif mövzularda dəfələrlə jurnalist mövqeyimi açıq şəkildə ortaya qoymuşam. Lakin o, məni təhqir etdiyi, barəmdə böhtan və ağır ittihamlar səsləndirdiyi və bunları sosial şəbəkələrdə yaydığı üçün artıq hüquq-mühafizə orqanlarına müraciət etmişəm”.

Həmçinin oxuyun

"Metirka"da ata adını dəyişmək olarmı? — Hüquqşünasdan AÇIQLAMA

Rəqsanə yenidən həbs ediləcək? — Səidə Bəkirqızı məhkəməyə verir

DİN əməliyyat keçirib: Səfər Camalov HƏBS EDİLDİ

Yanvarın 27-si ilə bağlı XƏBƏRDARLIQ

O deyib ki, bu gündən etibarən məhkəmə proseslərinə başlanılacaq:

“Onunla yalnız hüquqi müstəvidə, Azərbaycan qanunlarına əsaslanaraq danışacağam. Sosial şəbəkələrdə ona heç bir cavab verməyəcəyəm. Ancaq haqqımda yayılan bütün yalan məlumatlara, atamın və babamın təhqir olunmasına, övladlarımın alçaldılmasına, eləcə də keçmişimlə bağlı yayılan əsassız iddialara görə o, qanun qarşısında cavab verəcək. Xüsusi olaraq qeyd edim ki, bu məsələ nə üzr istəməklə, nə də hər hansı təzminatla bağlanacaq. Mən birmənalı şəkildə onun həbs olunmasını tələb edəcəyəm, çünki bu, açıq-aşkar böhtan və təhqir faktıdır”.