İsrail ordusu  Qəzza zolağının şimalında yerləşən Qəzza şəhərində məktəbi hədəfə alıb.
 

Oxu24.com Türkiyə mediasına istinadən  xəbər  verir  ki,İsrail Qəzza zolağına qarşı hücumların 42-ci günündə bölgənin şimal və cənubunda bir çox nöqtəni qurudan və havadan bombalayıb.

Qəzzanın şimalındakı hücumlar Cibaliya Qaçqınlar Düşərgəsi, Beyt Lahiya və Qəzza şəhərinə yönəlib.

Fələstin dövlət televiziyası və rəsmi xəbər agentliyi WAFA-nın məlumatına görə, İsrail ordusu Qəzza şəhərinin cənubundakı Zeytun rayonunda köçkünlər üçün sığınacaq mərkəzinə çevrilən Əl-Fəlah məktəbini bombalayıb. Hücum zamanı çoxlu sayda ölən və yaralananın olduğu bildirilib.

Cibaliya Qaçqınlar Düşərgəsi və Beyt Lahiyaya da həm havadan, həm də qurudan artilleriya atəşi ilə hücumlar həyata keçirilib.

Müəllif:Nigar