Daha bir HƏMAS komandiri öldürüldü

2023/11/10/1699632944_1699603686_israil-esgerleri_638326290021442136.jpg

DÜNYA

297

10.11.2023, 19:56

Noyabrın 10-na keçən gecə İsrail hərbçiləri HƏMAS-ın Şimal Briqadasının snayper birləşmələrinin komandirini məhv edib.

Bu barədə ordunun mətbuat xidməti məlumat yayıb.

“Kəşfiyyat məlumatlarına əsasən, HƏMAS-ın Şimal Briqadasının snayper bölmələrinin rəhbəri Məhəmməd Kalout məhv edilib. İsrail ordusunun əsgərləri gecə saatlarında İsrail əsgərlərinə hücum planlaşdıran 19 HƏMAS terrorçusuna zərbələr endiriblər", - məlumatda bildirilib.

Mətbuat xidməti qeyd edib ki, son 24 saat ərzində dəqiq kəşfiyyat məlumatlarına əsasən, İDF oktyabrın 7-də törədilən qırğında iştirak edən çoxsaylı HƏMAS terrorçusunu məhv edib.

Həmçinin oxuyun

Bəylər Eyyubovun general qohumu işdən ÇIXARILDI

Yeni general Kəmaləddin Heydərovun xanımının dayısı oğlu imiş -DETALLAR

Zelenski mühüm səfərə GETDİ: Nələr dəyişir?

Ən çox generalı olan nazir - Heydərovun müavinləri haqqında MARAQLI FAKTLAR

“Həlak olanlar arasında bölük komandiri Əhməd Musa və taqım komandiri Ömər Əl-Hindi də var ki, onların hər ikisi Qərbi Cəbəliyyədə olub. Əhməd Musa Qəzza zolağı ilə sərhəddə yerləşən Zikim bazasına müdaxilənin komandirlərindən biri olub. O, son günlərdə Qərbi Cəbəliyyə bölgəsində İDF əsgərlərinə hücumlara rəhbərlik edib”, - deyə mətbuat xidməti əlavə edib.

Ordu həmçinin bildirib ki, gecə saatlarında IDF qoşunları içərisində 20-yə yaxın raket buraxılış qurğusu olan gəmi konteynerinə zərbələr endirib.

“Cəbhənin cənubunda Şeyx İclində (Qəzzə şəhərinin cənubunda) döyüşlər zamanı əsgərlər yaşayış binalarının yaxınlığında reaktiv yaylım atəşi qurğusu aşkar ediblər. Tapılan bütün silahlar İDF əsgərləri tərəfindən məhv edilib və ya müsadirə edilib”, - məlumatda bildirilib.