Külək güclənib
15 Noyabr 2026, 18:40
Qaynar xətt:
(+99450) 247 90 86
CƏMİYYƏT
807
15.12.2025, 11:11
Əmək Məcəlləsinə təklif edilən dəyişikliklərə əsasən, istirahət, səsvermə, iş günü hesab edilməyən bayram günləri və ümumxalq hüzn günü görülən işə görə əmək haqqı ödənilən zaman yalnız gündəlik deyil, saatlıq tarif maaşı da nəzərə alınacaq. Dəyişikliklər Milli Məclisin Əmək və sosial siyasət komitəsində birinci oxunuşda dəstəklənərək plenar iclasa tövsiyə edilib.
Oxu24.com xəbər verir ki, bu sözləri iqtisadçı alim, deputat Vüqar Bayramov qeyd edib.
"Belə ki, həmin günlərdə əməyin vaxtamuzd ödənilmə sistemində gündəlik və saatlıq tarif maaşının iki mislindən, əməyin işəmuzd ödənilmə sistemində ikiqat işəmuzd qiymətlərində və aylıq maaş alan işçilərə iş aylıq iş vaxtı norması çərçivəsində görülmüşsə, maaşdan əlavə gündəlik və saatlıq vəzifə maaşı məbləğindən aşağı olmamaqla, əgər iş aylıq iş vaxtı normasından artıq vaxtda görülmüşsə, maaşdan əlavə gündəlik və saatlıq vəzifə maaşının ikiqat məbləğindən aşağı olmamaqla əmək haqqı ödəniləcək.
Saatlıq vəzifə maaşının məcəlləyə əlavə edilməsi işçilərin əmək hüquqlarının qorunması və onların daha yüksək maaşla təmin olunması baxımdan vacib idi. Belə ki, bəzi hallarda həmin günlərdə iş müddəti tam iş günü deyil, müəyyən saatları əhatə edir. Yeni dəyişiklik bu hallarda praktikada da işçilərə hər saata görə əlavə maaş ödənilməsinə şərait yaradacaq. Əgər işçinin saatlıq tarifi 25 manatdırsa, istirahət, səsvermə, iş günü hesab edilməyən bayram günləri və ümumxalq hüzn günü işləməkdə davam edibsə və 3 saat əlavə işdə olubsa həmin saatlara görə 75 manat deyil, ən azı 150 manat maaş hesablanacaq. Digər tərəfdən, Azərbaycanda saatlıq iş rejiminə keçidin müzakirə olunduğunu nəzərə alsaq, bu maaş ödənişlərinin beynəlxalq standartlara uyğunlaşmasına imkan verəcək", - o bildirib.
19:09 / 15 Noyabr 2026
1
18:40 / 15 Noyabr 2026
57
18:05 / 15 Noyabr 2026
98
17:53 / 15 Noyabr 2026
721
17:43 / 15 Noyabr 2026
521
17:16 / 15 Noyabr 2026
438
17:12 / 15 Noyabr 2026
2133
17:09 / 15 Noyabr 2026
93
15:50 / 15 Noyabr 2026
112
15:25 / 15 Noyabr 2026
142
15:15 / 15 Noyabr 2026
136
14:47 / 15 Noyabr 2026
185
14:34 / 15 Noyabr 2026
371
14:25 / 15 Noyabr 2026
152
14:19 / 15 Noyabr 2026
130
14:02 / 15 Noyabr 2026
511
13:27 / 15 Noyabr 2026
381
12:55 / 15 Noyabr 2026
1757
12:36 / 15 Noyabr 2026
425
12:28 / 15 Noyabr 2026
177
12:11 / 15 Noyabr 2026
155
11:52 / 15 Noyabr 2026
228
11:43 / 15 Noyabr 2026
154
© 2026 Oxu24.com Müəllif hüquqları qorunur.