"Əpl" şirkətinin Ayfon 7 və Ayfon 8 modelləri Almaniyada qadağan edilib.

Oxu24.com xəbər verir ki, "Əpl" ilə "Qualcomm" şirkəti arasında davam edən məhkəmə çəkişməsi sonunda qəbul edilən qərardan sonra bu açıqlama verilib. "Qualcomm" iddia edib ki, "Əpl" şirkəti enerjiyə qənaət məqsədilə ona məxsus olan imkanları onlardan icazə almadan telefonlarında istifadə edib. Şirkət bu iddia ilə məhkəməyə müraciət edib. Məhkəmə "Qualcomm"un haqlı olduğu qənaətinə gəlib və nəticədə Ayfon 7 və Ayfon 8 modellərinin satışı dayandırılıb. Məhkəmə "Qualcomm"a həmin xidmətin istifadə edildiyi telefonların satışından əldə edilən gəliri də "Əpl"dən tələb etmək haqqını verib. Beləliklə, yeni ildə gəlirləri xeyli azalan "Əpl"ə bir zərbə də Almaniyadan gəldi. "Qualcomm"un satışdan əldə edilən gəliri tələb edib-etməyəcəyəi bəlli deyil. Oxu24.com