Çoxmərtəbəli yaşayış binasının sakinləri təqaüdçü qocaların mənzilindən gələn pis qoxudan aylar əvvəl şikayətlənməyə başlamışdılar. Nəticə çox pis olub.
Rusiyanın Yekaterinburq şəhərinin sakini, Lidiya adlı 64 yaşlı qadın aylar əvvəl ölmüş əri, 68 yaşlı Vladimirin cəsədini həyətdəki uşaq meydançasına atıb.
Kuybışev küçəsi, 112 ünvanda yerləşən binanın bir neçə sakini cəsədi sürüyən qadını görəndə polisə zəng vurublar.
Cəsəd xalata bükülübmüş. Polisdən verilən məlumata görə, Lidiya cəsədi zibilxanaya atmaq istəsə də, gücü çatmayıb.
Qonşuların dediklərinə görə, mərhumla arvadı əyyaş olublar. Onlar heç bir yerdə işləmirlərmiş. Üstəlik, hər gün içirlərmiş.
Lidiya isə o qədər içirmiş ki, həyətə arabir lüt çıxırmış.
Polis hesab edir ki, əri Vladimir üç ay əvvəl vəfat edən Lidiya bunu gizlədib və meyidi evdə saxlayıb. O, ərinin təqaüdünü almağa davam edib.
Həmçinin Lidiyanın ərinin cəsədindən tikələr kəsərək bişirib yediyi iddia olunur.





 





  Oxu24.com